Еден пар кој неодамна вдоми кутре, на потежок начин сфати дека првите впечатоци понекогаш можат да бидат лажни. Кара и нејзиниот свршеник Дејв во јули го донесоа во својот дом преслаткиот златен ретривер по име Чедар, но неговиот мирен карактер се покажа само како привремена маска.
Одличен прв впечаток
Кара за „Newsweek“ раскажа дека при посетата на одгледувачот немале никакви дилеми околу изборот. Чедар веднаш им потрчал во прегратка, дозволил да го подигнат и мирно се гушкал, притоа делејќи им мали бакнежи.
„Кога ќе го споредевме со останатите од леглото, веднаш знаевме дека има толку нежен, опуштен карактер“, вели Кара. „Дома беше мирен во првите неколку дена.“
Сепак, парот брзо сфатил дека опуштеното однесување на Чедар било само илузија. На видеото објавено на „Instagram“ профилот "@goldenboy.cheddar" тие покажаа дека нивното кутре е сè, само не најмирното во леглото. Снимката започнува со идилични кадри на кои Чедар мирно седи во нивните раце, но сè набрзо се претвора во хаос.
Разиграна и немирна страна
„Кога се опушти, почнавме да ја гледаме неговата разиграна, немирна страна“, објасни сопственичката. Видеото, кое собра повеќе од 451.000 прегледи, прикажува делови од палавштините на Чедар: влече ќебиња со забите, кине тоалетна хартија, со шепи турка огледало и постојано трча низ куќата и скока по мебелот.
Иако повеќе не е мирен, парот и понатаму е вљубен во него. „И покрај сè, остана истото слатко, љубезно кутре кое веќе ни донесе толку многу радост во животите“, заклучува Кара.
