Рани години

Иван Хирст е роден на 4 март 1916 година во Садлворт, Англија. Неговото семејство било сопственик на компанијата "Hirst Brothers Company", која произведувала часовници, оптички инструменти и прецизни механички уреди.

Овој семеен бизнис рано ја разбудил неговата љубопитност за техниката и инженерството. Пораснал во време кога британската индустрија била во подем, а механичките иновации биле во фокусот.

Тој учел во "Hulme Grammar School", каде што покажал талент за природни науки и технички предмети. Подоцна, се запишал на Универзитетот во Манчестер, каде што студирал оптички инженеринг – област што барала прецизност и техничка експертиза, вештини кои подоцна ќе му бидат од голема корист.

Како студент, се приклучил на "Officers‘ Training Corps" (OTC), програма за обука на идни воени офицери. Дипломирал со одлични резултати.

Втора светска војна и воена кариера

Пред почетокот на војната, Хирст ја започнал својата воена служба. На 27 јуни 1934 година, бил именуван за потпоручник во 7. баталјон на "Duke of Wellington’s Regiment", а три години подоцна бил унапреден во поручник.

Со почетокот на Втората светска војна во 1939 година, се приклучил на "Royal Electrical" and "Mechanical Engineers" (REME) – единица задолжена за одржување и поправка на воена опрема. Неговото инженерско знаење го направило непроценлив член на тимот.

По крајот на војната, во август 1945 година, како мајор на "REME", бил испратен во Германија со задача да го надгледува управувањето со заробените германски фабрики. Тогаш му било доделено да ја преземе контролата врз фабриката на "Volkswagen" во Волфсбург, првично изградена од нацистичкиот режим за производство на „народниот автомобил“ – Буба.

Како "Volkswagen" стана автомобилски гигант

Кога Хирст пристигнал во Волфсбург, фабриката била во хаос – оштетена од бомбардирања, опремата ограбена, а работниците демотивирани.

Британската воена управа првично планирала фабриката да биде демонтирана и искористена како дел од репарациите, но Хирст видел нешто што другите не го забележале – потенцијал за нов почеток.

Тој брзо ја организирал поправката на фабриката, обезбедил материјали за работа и ги мотивирал германските работници да се вратат на производство. Неговата прва голема одлука била да ја приспособи Бубата, дизајнирана од Фердинанд Порше, за новите услови.

Иако многумина се сомневале во иднината на овој автомобил, Хирст бил уверен дека едноставното и достапно возило може да го освои посвоениот пазар.

Првите успеси

Во март 1946 година, од фабриката излегол 1000-тиот произведен автомобил. До крајот на истата година, веќе биле произведени 10.000 возила, најмногу за британските сили и локалните германски власти.

За Хирст, клучно било не само да се произведуваат автомобили, туку и фабриката да стане самостојна и економски стабилна. Затоа, вовел строги стандарди за квалитет и ефикасно управување.

До 1949 година, кога тој ја напуштил "Volkswagen", компанијата веќе била на пат да стане глобален гигант. Фабриката била предадена на германска управа, под водство на Хајнрих Нордхоф – човекот што Хирст го избрал како свој наследник.

Подоцнежни години и наследство

По заминувањето од Германија во 1949 година, Хирст се вратил во Велика Британија, каде што продолжил да работи во војската и индустријата.

Иако не останал во јавноста, неговиот огромен придонес во историјата на "Volkswagen" не бил заборавен.

Почина на 10 март 2000 година, во Марсден, Англија, на 84-годишна возраст.

Денес, Иван Хирст останува запаметен како човекот кој од урнатините создаде еден од најголемите автомобилски брендови во светот – "Volkswagen".