Нов концепт – не седан, не "SUV"

"Volvo" тврди дека "ES90" не припаѓа ниту на седаните, ниту на "SUV" возилата, туку претставува сосема нова категорија. Сепак, според неговиот изглед, "ES90" личи на кросовер со поголем клиренс и форма слична на лимузина.

Без разлика како ќе го класифицирате, "Volvo" го позиционира "ES90" како врвен модел во својата гама, рамо до рамо со електричниот "SUV" "EX90".

Дизајн: Семејна сличност со "EX90"

"ES90" ги задржува препознатливите "Volvo" дизајнерски елементи, вклучувајќи ги фаровите во стилот „Чеканот на Тор“, минималистичката предна маска и "LED" задните светла во облик на буквата "C".

Возилото има пет врати налик на хечбек, со багажник од 495 литри (со исправени седишта), а во предниот дел располага со дополнителни 48 литри простор.

Димензии и просторност

"Volvo ES90" ја користи "SPA2" механичката платформа, истата како кај моделот "EX90", но со поголемо меѓуоскино растојание (3.099 мм), додека вкупната должина на возилото е 4.999 мм – пократка од "EX90".

Клиренсот на возилото изнесува 203 мм, а ширината, со ретровизорите, е 2.120 мм.

Патничката кабина е пространа, особено за патниците на задните седишта, со доволен простор за нозете и главата.

Минималистички ентериер и дигитални команди

Внатрешноста на "ES90" е луксузна и минималистичка, со голем 14,5-инчен вертикален екран кој ги контролира речиси сите функции – вклучувајќи ја четиризонската клима и премиум аудио-системот "Bowers & Wilkins" со 25 звучници.

Основните информации за возачот се прикажани на 9-инчен дигитален дисплеј, кој ја заменува класичната инструмент-табла, додека "head-up" дисплејот ги проектира податоците на ветробранското стакло.

Најмоќниот "Volvo" – во софтверска смисла

"Volvo" нагласува дека "ES90" не е најмоќен по моторната моќност, туку по компјутерската сила.

Користи двоен "Nvidia Drive AGX Orin" систем кој може да обработи 500 трилиони операции во секунда.

Брзо полнење и досег до 700 км

Благодарение на 800-волтниот систем, "ES90" поддржува супербрзо полнење до 350 kW, што овозможува 300 км дополнителен досег за само 10 минути полнење.

Батеријата од 106 kWh, во комбинација со најнискиот коефициент на воздушен отпор во историјата на "Volvo" (Cd 0,25), му овозможува на "ES90" да постигне до 700 км досег во идеални услови.

Три верзии на "ES90"

1. "Single Motor" – 245 коњски сили, погон на задните тркала, батерија од 92 kWh, досег до 644 км (WLTP)

2. "Twin Motor" – 442 коњски сили, погон на сите тркала, батерија од 106 kWh, досег до 700 км (WLTP)

3. "Twin Motor Performance" – 670 коњски сили, забрзување 0-96 км/ч за 3,9 секунди, досег до 700 км (WLTP)

Максималната брзина кај сите верзии е ограничена на 180 км/ч.

Нарачките веќе започнати, испораки кон крајот на 2025 година

Сите верзии на "ES90" се веќе достапни за нарачка во Европа, а производството ќе започне во третиот квартал на 2025 година. Првите испораки се очекуваат кон крајот на годината.

На пазарот, "Volvo ES90" ќе се натпреварува со модели како "BMW i5", "Volkswagen ID. 7" и "Audi A6 e-tron".