Фотографиите што неодамна ги споделија предизвикаа лавина коментари, а фановите се загрижени – не толку поради болеста, колку поради можното психолошко влијание врз манекенката.

Јоланда сподели потресни фотографии

Бела Хадид, некогаш најплатениот и најбараниот модел во светот, речиси и да не се појавува на модните писти веќе неколку години. Наместо кампањи и насловни страници, нејзините следбеници на социјалните мрежи повремено гледаат сцени од болници и емотивни објави за нејзиното здравје.

Неодамна, нејзината мајка Јоланда Хадид, поранешна манекенка и реалити ѕвезда, сподели серија фотографии од болница и пораката:

„Невидливиот инвалидитет на хроничната невролошка лајмска болест е тешко да се објасни или разбере. По многу години, престанав да ја споделувам мојата лична приказна затоа што ми требаше енергетски пресврт, време да се фокусирам на сопственото заздравување, наместо постојано да ги впивам туѓите мислења“.

Мистериозна дијагноза која ги дели мислењата на експертите

Јоланда со години зборува за хронична лајмска болест – термин кој официјалната медицина не го признава. Експертите предупредуваат дека се користи за опис на група неспецифични симптоми кои можат да имаат различни причини. Самата лајмска болест, инфекција предизвикана од бактеријата Borrelia burgdorferi, што ја пренесуваат крлежи, целосно се лекува со антибиотици.

Истражувањата покажуваат дека симптоми како хроничен замор или болки, што пациентите ги пријавуваат, најчесто се поврзани со фибромијалгија или синдром на хроничен замор, а не со упорна бактериска инфекција. Кај мал број луѓе, по лекувањето од лајмска болест, може да се појават замор и болки, но тоа, нагласуваат лекарите, не претставува „хронична болест“.

Фановите: „Јоланда манипулира со Бела“

Кога Јоланда и Бела ги споделија најновите фотографии, социјалните мрежи беа преплавени со коментари. Многу корисници тврдат дека Бела всушност не е болна и дека нејзината мајка ја убедила да верува дека има болест која науката не ја признава.

„Страв ми е за Бела, но не поради оваа измислена болест“, „Џиџи побегна, но Јоланда си игра со умот на Бела“, се само дел од коментарите.

Јоланда уште претходно беше критикувана поради строгиот однос кон своите ќерки. Гледачите на реалното шоу се сеќаваат на сцената во која Џиџи бара парче од својата роденденска торта, а Јоланда ѝ советува да „земе неколку бадеми и да ги џвака бавно“ за да ја потисне гладта.

Ја открила дијагнозата уште како тинејџерка

Бела јавно проговори за „хроничната лајмска болест“ уште во 2012 година, тврдејќи дека боледува од неа од својата 12-та година. Симптомите кои ги наведе вклучуваат главоболки, несоница, анксиозност, болки во зглобовите, мачнина, осцилации во тежината и мозочна „магла“. Додаде дека поради болеста се откажала од сонот да стане професионална јавачка.

Нови шпекулации: Дали станува збор за анорексија?

По објавените фотографии од болница на кои се гледа дека Бела можеби била и на дијализа, се појавија нови претпоставки – дека нејзините здравствени проблеми се последица на анорексија. Ова нарушување може сериозно да ја загрози функцијата на бубрезите, што би го објаснило нејзиниот престој во болница.