Се чини дека најпопуларниот јутјубер во светот, „MrBeast“, не бил свесен за моќта на обожавателите на комичарот Калеб Хирон, кои еден корисник духовито ги опиша како „стотици илјади ментално нестабилни келнери“. Најуспешниот јутјубер во светот, чије вистинско име е Џими Доналдсон, изразил незадоволство од своето седмо место на листата „25 највлијателни креатори за 2025“ на списанието „Rolling Stone“, па решил јавно да се нафрли на личноста рангирана веднаш над него – Калеб Хирон, пишува „Vulture“.
Судир околу престижната листа
„Според оваа листа, тип со еден милион следбеници е повлијателен од мене. Што направив за да ги налутам ’The Rolling Stones‘?“, напиша Доналдсон на 26 август во сега избришаната објава на социјалната мрежа „X“. Иако Хирон можеби нема стотици милиони следбеници како „MrBeast“, секој што барем малку време поминал на „TikTok“ веројатно налетал на некој од неговите вирални видеа.
Исечоци од неговите поткасти и стенд-ап настапи собираат милиони прегледи. Од друга страна, „MrBeast“ освен огромните бројки има и сопствена серија на „Amazon Prime“, но и историја на разни контроверзии.
Mrbeast's mask slipping this much in less than a year has been fascinating to watch.
— Rosanna Pansino (@RosannaPansino) August 26, 2025
Sorry Jimmy, Caleb has something you'll never have: A personalty. pic.twitter.com/Ck3WnTNfXf
Поддршка за Хирон и брзо повлекување
Хирон не се вознемири премногу од коментарот на „MrBeast“. Тој ја сподели објавата на својот „Instagram“ профил и се заблагодари на „Rolling Stone“ за укажаната чест. Наскоро пристигна и поддршка од бројни познати личности. Актери како Кајл Меклаклан и Ајо Едебири, како и јутјуберката Росана Пансино, со хумор го прокоментираа испадот на Доналдсон, а дури и славниот актер и борач Џон Сина објави фотографија од Хирон во знак на поддршка.
Откако врз него се сруши бран критики од обожавателите на Хирон, Доналдсон реши да ја избрише спорната објава. Објасни дека се повлекува бидејќи „не сака проблеми“ и изненадувачки го пофали трудот на Хирон.
„По ова изгледав некои од неговите работи и навистина се добри. Ја избришав објавата, не сакам проблеми, поштедете ме ве молам“, напиша во нова објава. Хирон подоцна на „Instagram“ потврди дека е во „мировни преговори“ со „MrBeast“.
