Полициските службеници во секојдневното работење честопати се среќаваат со фалсификувани документи за идентификација, но еден пример на кој наишле полицајците во Хаген, Германија, привлече големо внимание.
Документот бил толку невообичаен што решиле да го споделат на социјалните мрежи.
Ја добил возачката дозвола на деветгодишна возраст?!
Возачката дозвола била одземена во вторник вечерта за време на рутинска проверка и на прв поглед било јасно дека станува збор за фалсификат. Имено, во неа пишувало дека на сопственикот дозволата му била издадена додека сè уште бил во основно училиште – кога имал само девет години.
Deutschlands jüngster Führerscheinbesitzer? Hagener war mit 9 Jahren 👦 schon am Steuer… oder doch nicht?
#Hagen...
Posted by Polizei NRW Hagen on Wednesday, August 27, 2025
Покрај оваа апсурдност, документот содржел бројни правописни грешки, му недостасувале водени жигови и како издавач била наведена полициската управа на Горна Австрија, како и Винер Нојштат во Долна Австрија, при што самото име на градот било погрешно напишано.
„Најмладиот носител на возачка дозвола во Германија? Хагенер веќе бил зад воланот кога имал девет години“, шегувајќи се објави полицијата на Фејсбук и додадоа дека 26-годишниот возач бил запрен околу 20 часот на Алтенхагенер Штрасе додека возел Мерцедес.
Фалсификуваниот документ бил веднаш конфискуван, а на човекот му било забрането понатамошно управување со возила за кои е потребна дозвола. Тој ќе се соочи со пријава и за фалсификување и возење без дозвола.
