Поради тоа што цените на новите автомобили на пазарот се многу високи, многумина одлучуваат да купуваат половни автомобили.
Новинарите на „Auto Bild“ составиле интересна листа на автомобили кои може да ги купите за помалку од 5.000 евра.
Своите информации ги понудиле врз основа на евиденцијата на дефекти и издржливост од неколку сегменти, така што секој може да си најде автомобил по свој вкус.
На врвот на листата е „Alfa Romeo GT“. Овој автомобил, произведен меѓу 2003 и 2006 година има сила од 140 до 240 KS, зависно од моделот, а може да се купи за околу 2.500 евра.
Втор на листата е „Kia Picanto“, произведен меѓу 2004 и 2011 година. Овој модел има сила од 65 до 75 KS, а на пазарот може да се најде за околу 1.300 евра.
Иако не е толку вообичаен, „Audi A2“ е трет на листата. Овој автомобил е произведен од 1999 до 2005 година и достапен е со сила од 61 до 110 KS. Цената се движи од 2.500 евра.
Четвртото место го зазема „Honda Jazz“, автомобилот којшто се произведувал од 2008 до 2015 година. Тој има сила од 80 до 120 KS, а цената е околу 4.000 евра.
Петти на листата се „BMW“ од серијата 5 од генерацијата меѓу 2003 и 2010 година, а листата на истото место ја затвора „Škoda Roomster“ произведена 2006 до 2015 година, а чини меѓу 2.000 и 2.500 евра.
