Меѓу нив се наоѓаат ретки модели како „Lotus“, „Alpine“, „Ginetta“, па дури и „Porsche 911“, прва серија.

Иако објектот изгледа напуштено, возилата и натаму му припаѓаат на сопственикот којшто никогаш не се согласил да ги продаде.

На прв поглед „ProAuto“ изгледа како обичен напуштен магацин од бетон и стакло. Меѓутоа зад валканите прозорци се кријат автомобилските легенди: „Lotus Europa“, „Renault Alpine A110“, реплика на „Bugatti Type 35“, па дури и „Renault Express“…

Заборавена скапоценост зад валкани прозорци

Околу зградата природата почнала да го презема просторот, асфалтот пука, гумите се издишани, но каросериите и натаму се неверојатно зачувани.

За љубителите на олдтајмерите, сцената делува како временска капсула каде времето запрело, а автомобилите го чекаат својот судбински момент.

Раритети вредни цело богатство

Посебно внимание привлекуваат примероците со големо колекционерско значење, освен спомнатите „Lotus“ и „Alpine“ во гаражата се пронајдени и стари „MG“ тркачки автомобили „Ginetta“, а сведочењата на оние кои успеале да ѕирнат внатре говорат дека внатре се наоѓа и „Porsche 911“ од првата серија од 60-тите години.

Таквите модели денес на аукција достигнуваат вртоглави цени, што оваа мистериозна колекција ја прави уште повредна.

Сопственикот ја чува тајната и не продава ништо

За разлика од реално напуштените објекти, „ProAuto“ не е напуштен целосно. Неговиот сопственик, познат на локалните жители само како Фукуи-сан и натаму живее во близина и повремено го посетува салонот. Никогаш не се согласил да продаде автомобил ниту целиот имот, а причините остануваат мистерија.

Едни сметаат дека за автомобилите го врзува емотивна поврзаност, други се сомневаат на нерешени правни проблеми или наследство.

Она што е сигурно е дека на сите понуди тој секогаш го давал истиот одговор – „не“.

Објектот е обезбеден со камери и сензори, а иако делува напуштено, тешко е да се нарече напуштен во вистинска смисла. Повеќе личи на недопирлив објект на автомобилска историја, затворен за јавноста и времето.