Хајди Клум, иако има 50 години, на новите фотографии изгледа како врсничка на нејзината 20-годишна ќерка Лени Клум, која ја има од врската со две децении постариот бизнисмен Флавио Бријаторе.

Најубавите мајка и ќерка, како што многумина ги нарекуваат, се фотографирале во светло беж долна облека претежно изработена од тантела и сатен, а сето тоа за потребите на познат италијански бренд.

Ваквата соработка меѓу Хајди и Лени со бренд за долна облека не е премиера. Имено, тие пред новогодишните празници минатата година заблескале во црвена долна облека и предизвикале планетарно воодушевување со нивната убавина, младоликост и младост, но и со згодните тела и смелоста заедно да се претстават во поексплицитно светло.

Сличен едиторијал снимиле и минатата година

Младата Лени Клум, која досега имала успешни манекенски потфати, бројни насловни страници и модни ревии, како и ангажман за „Диор“ како нивен претставник за јавност, несомнено од мајка си ја наследила безвременската и впечталива убавина, а покрај изгледот, амбицијата и поддршката од славната мајка, несомнено е дека ѝ се насмевнува сериозна кариера во јавниот свет.

Славната Германка, која постигна завиден успех и стана една од најголемите во својата работа на сите времиња, покрај Лени, има уште една ќерка, Лу (14), како и синовите Џон Рајли (17) и Хенри (18), кои ги добила во бракот со музичарот Сил.

Сега, Хајди Клум е среќно мажена за гитаристот на Токио Хотел, Том Каулиц.