Жена купила бордо торба мислејќи дека убаво ќе се вклопи во нејзиниот гардеробер, а немала ни најмала претстава што ќе пронајде во неа.
Добротворните продавници каде што се продаваат донирани предмети не се само место за евтина облека, туку вистински мали ризници. Многумина таму пронашле квалитетни парчиња, па дури и познати дизајнерски брендови, за дел од нивната вистинска цена. Таквите неочекувани откритија често предизвикуваат воодушевување и докажуваат дека со малку среќа и трпение може да се најде нешто навистина посебно.
Среќната жена добила вистински „џекпот“ кога открила мало богатство скриено во торба од шест фунти (околу седум евра) што ја купила во добротворна продавница. Ја избрала бордо торбата бидејќи ѝ се допаднал дизајнот и сметала дека ќе ѝ одговара на гардеробата, но дома ја чекало големо изненадување.
„Пронајдов пари во торба купена во добротворна продавница! Ни во најлудите соништа не очекував вакво нешто. Платив шест фунти, а внатре најдов 87 фунти (околу 100 евра). Највозбудлив ден со половна облека досега! И тоа не ја вклучува гардеробата што ја зедов. Лудо е што некои луѓе едноставно донираат предмети без да проверат дали нешто останало внатре! Торбата имаше толку многу работи во неа и беше тешка поради кованиците“, напишала жената во својата објава на „Reddit“. Нејзината приказна предизвикала лавина коментари, пренесува „Mirror“.
found money in my thrifted purse!
byu/balisong_tan inThriftStoreHauls
„Јас никогаш немав толку среќа“, напишала една корисничка. „Ова е подобро и од самата торба – сигурно било многу возбудливо“, додала друга. „Јас најдов четири фунти во ловџиска јакна и ги искористив да ја купам истата таа јакна“, споделила трета. „Работам покрај антикварница. Еден купувач пронајде 595 фунти (околу 684 евра) во книга и ги предаде на сопственикот, кој потоа ги подели со него“, напишала друга личност.
„Ова е толку кул! Зачувај ги за нешто посебно! Кога ќе најдам пари на земја, секогаш ги чувам. Никогаш не ги трошам, а така досега заштедив околу 150 фунти (околу 172 евра)!“, напишал еден корисник. „Еднаш најдов ланче од 24-каратно злато во половна торба“, додал друг.
Оваа жена не е единствената што открила „богатство“ во добротворна продавница. Една друга жена објавила дека налетала на емотивна порака скриена во донирана „Gucci“ торба. „Вчера објавив дека пронајдов „Gucci“ торба во продавница со половна облека, а внатре беше оставена порака. Исто така, открив дека торбата потекнува од 1973 година. Во винтиџ модниот додаток била скриена, рачно напишана порака од жена по име Шелија, која штотуку заминала во пензија. Не живеам во област каде што луѓето обично донираат „Gucci“ торби. Искрено, веројатно и не забележале што донирале“, напишала таа во својата објава на „Reddit“.
