Американската пејачка Холзи (30) откри дека прима хемотерапија поради редок здравствен проблем – т-клеточно лимфопролиферативно заболување, пишува „Индепендент“.
Во видео објавено на ТикТок, ѕвездата искрено им се обрати на своите следбеници. Да потсетиме, Холзи откри дека боледува од лупус и од ова ретко заболување во 2024 година.
„Само сакав брзо да ве известам – направив уште неколку сесии хемотерапија“, рече пејачката, покажувајќи ја медицинската лента на клучната коска и градите.
Лимфопролиферативните заболувања се состојби во кои телото создава премногу абнормални бели крвни клетки, што во одредени случаи може да премине во канцер како лимфом или леукемија.
Холзи во коментарите призна дека периодите на опоравување траат и повеќе од една недела.
„Не можам да стојам со денови. Го гледате само делот кога имам енергија помеѓу третманите“, напиша таа.
И покрај здравствените предизвици, пејачката со ентузијазам најави ново музичко поглавје – враќање на сцената со шоуто „Back to Badlands“, во чест на нејзината прва турнеја од 2015 година.
„Ќе го изведам целиот албум ‘Badlands’, плус уште многу песни. Почнуваме проби наскоро, едвај чекам“, изјави Холзи, додавајќи дека не размислувала ниту за својот роденден бидејќи е целосно фокусирана на подготовките.
Минатата година, таа откри дека дијагнозата лупус ја добила во 2022 година, а потоа реткото т-клеточно лимфопролиферативно заболување, кои моментално се „под контрола или во ремисија“ благодарение на тим од лекари.
Холзи е верена за актерот Аван Џогија, со кого се запозна кратко по добивањето на дијагнозата. Таа има четиригодишен син, Ендер, од претходната врска со сценаристот Алеф Ајдин.
„Кога го запознав мојот партнер, бев самохрана мајка и мислев дека сум на самртна постела. Но тој остана покрај мене и ми даде сила“, откри пејачката, опишувајќи го нивниот однос како извор на големо исцелување.
Денес
