За растенијата долго време да бидат здрави и нормално да напредуваат, со редовно полевање и одржување многу е важно и ѓубрењето, а за тоа не мора да користите купени хемикалии.

Во домаќинството веќе имате многу работи кои може да ги искористите како целосно природно ѓубриво, а покрај јајцата, кората од банана и талогот од кафе, може да ја искористите и водата во која сте вареле зеленчук, иако таа е целосно бесплатна, многу е ефикасна за негата на цвеќиња.

Водата во која сте го вареле компирот има широка примена, а течноста која останува по подготовката на било кој зеленчук преполна е со витамини и минерали кои се ослободуваат во неа.

Наместо да заврши во одвод, таа може да биде природна и бесплатна алтернатива за вашите собни растенија.

Што содржи водата во која се вари зеленчукот?

Во текот на варењето во водата се собира азот, калциум, железо, магнезиум, фосфор, како и витамини Б и Ц. Овие хранливи материи придонесуваат во јакнење на коренот и овозможуваат растенијата да бидат здрави.

Она што е особено важно доколку планирате да ја искористите оваа вода за растенијата е таа да не биде солена.

Како се користи водата?

1. Оставете ја да се излади целосно.

2. Ставете ја во земјата, околу растението, не директно на него.

3. Количината вода е иста како онаа кога го полевате цвеќето. За помали собни растенија доволно е од 50-100 милилитри, за средни околу 150-200 милилитри, а за големи од 300-500 милилитри.

4. Користете ја како редовна прехрана, еднаш неделно или на секои две недели.