Јавноста била потресена од трагите на лошите и бројни естетски зафати кои оставиле огромна трага, па набрзо почнала да добива остри критики, грди коментари, но и искрени желби од фановите да ѝ помогнат.

Кети, која има 64 години, ги зела работите во свои раце, па по првиот сет фотографии кои се појавиле јавно била фатена како излегува од час по пилатес во Малибу, со освежено лице и речиси без брчки, криејќи ги очите зад очилата за сонце. Црвената коса ѝ била врзана, а потоа Грифин јавно ги потврдила шпекулациите за новиот естетски зафат.

Во својот поткаст актерката се пошегувала дека станува збор за нејзин трет фејс лифтинг, со признание дека е свесна дека тоа е израз на нарцисоидност, но дека публиката секако не доаѓа на нејзините настапи поради изгледот туку поради шегите. Додала и дека нема сериозни проблеми со телесната дисморфија, но признала и дека повремено се чувствува несигурно.

Магичните раце на холивудскиот хирург

Открила дека за новиот изглед се погрижил пластичниот хирург Бен Талеј, познат во светот на славните којшто ѝ помогнал и на нејзината пријателка Сиа.

Освен затегнување на лицето, Грифин имала и операција на капаците од очите и корекција на брадата. Без криење, признала дека процедурата била болна и дека приказните дека сето тоа е безболно се целосно неточни.

Познатата комичарка ни претходно не криела дека е склона кон естетските зафати. Во текот на кариерата ги зголемила и градите, ги подигнала веѓите, правела хемиски пилинг и липосукција.

Турнеја „ново лице“

Инаку, Грифин и натаму е многу активна на сцената. Наесен започнува со нова турнеја со симболичен наслов „Ново лице, нова турнеја“, која ќе ја започне во Лас Вегас, а напоредно работи и на анимиран проект во којшто ќе го позајми гласот на еден од ликовите.

Иако зад себе има сериозни здравствени борби, вклучувајќи и операција на белите дробови заради канцер, како и борба со зависност од лекови, таа не се откажува од својата кариера.