Од тогаш станал клучен играч на Мавс. Неговата способност да доминира на терен и да создаде неверојатни моменти го направила еден од највозбудливите млади таленти во лигата.

Освен поради својот професионален живот, Лука често е во центар на внимание на јавноста и поради својот приватен живот којшто со години се трудел да го скрие од очите на јавноста.

И како што многу пати сме слушнале да се каже, зад секој успешен спортист стои поддршка од саканата личност, во случајот на Лука Дончиќ тоа е Анамарија Голтерс, неговата партнерка и идна сопруга.

Како се запознале?

Лука и Анамарија се запознале кога имале само 12 години во текот на летото во Хрватска. Иако тогаш биле деца, нивното пријателство набрзо станало нешто подлабоко.

Анамарија во едно интервју од 2020 година открила дека сѐ уште се во контакт со истите пријатели од тој период, што говори за длабочината и трајните пријателства.

Од тинејџерска љубов до родителство

Нивната врска станала сериозна во 2016 година кога почнале да излегуваат. Во текот на годината, Анамарија била покрај Лука во важните моменти од неговата кариера, давајќи му стабилност и љубов.

Иако нејзината почетна страст била танцот, Анамарија во текот на времето развила кариера во моделингот и станала инфлуенсерка, делејќи совети за здравјето, исхраната и вежбањето.

Парот на 7 јули 2023 година одлучил љубовта да ја круниса со веридба на романтичното место – езерото Блед во Словенија.

Овој момент бил посебно емотивен, а вереничкиот прстен којшто Лука го избрал за Анамарија бил симбол на нивната долгогодишна љубов.

Во декември 2023 година, парот ја дочека ќерката Габриела, со што нивната среќа стана целосна. Тие заедно живеат во Далас со своите три кучиња и често споделуваат среќни моменти со своите следбеници на социјалните мрежи.

Повеќе од партнерка

Анамарија Голтес е родена на 30 април 1998 година во Љубљана, Словенија, таа е модел, претприемачка и инфлуенсерка. Студирала економија на Универзитетот во Љубљана, но нејзината страст кон танцот и модата набрзо преовладале.

Откако ја започнала својата кариера во моделингот 2017 година, се преселила во САД за да ја продолжи својата професионална кариера. Денес е позната по својот здрав начин на живот, вежби и совети за исхраната кои ги споделува на социјалните мрежи.

Лука и Анамарија денес

Денес Лука и Анамарија се еден од најубавите и најстабилни парови во светот на спортот. Нивната љубовна приказна која започнала во детството, сега е моќна врска.

Заедно поминале низ многу предизвици, но секогаш останале приземјени и посветени еден кон друг.

Додека Лука продолжува да брилира на кошаркарскиот терен, Анамарија е покрај него и му дава поддршка, љубов и стабилност.

Нивната приказна е доказ дека вистинската љубов може да го издржи тестот на времето и дека можно е да се изгради успешен живот заедно, како во професионална така и во лична смисла.