По присуството на Сараево филм фестивал, 70-годишниот актер Вилијам Дефо пристигна на Филмскиот фестивал во Венеција за светската премиера на филмот „Bugonia“ во кој главни улоги имаат Ема Стоун и Џеси Племонс.
Бакнежот за кој се зборува
Пред да пристигне на црвениот килим, актерот ја забележал Ема (36), а нивниот потег изненади многумина. Имено, актерите се прегрнаа, па се бакнаа во уста, а Дефо се смееше кога актерката со рака го допре неговото лице.
„Дали е ова вештачка интелигенција?“
Моментот стана вирален, а многумина корисници на социјалните мрежи се прашуваа дали има нешто повеќе меѓу нив. „Чекај, што штотуку се случи?“, „Морав да го гледам ова повеќе пати за да бидам сигурен дека гледам добро“, „Зошто?“ и „Дали е ова вештачка интелигенција?“ се само дел од коментарите под видеото.
Инаку, Ема е среќно мажена за режисерот и продуцент Дејв Мекејри, со кого има ќерка, Луиз Џин, додека Вилијам речиси две децении е во брак со италијанската режисерка и актерка Џада Колагранде.
