Рекламата е критикувана како „нацистичка пропаганда“ од страна на либералите затоа што изразува гордост за „генетиката дадена од Бога“. Реакцијата доаѓа поради репликата на Сидни, која вели: „Гените се пренесуваат од родител на потомство, честопати одредувајќи особини како што се бојата на косата, личноста, па дури и бојата на очите.“ Потоа додава: „Моите фармерки се сини“, додека ги покажува своите сини очи.

Во продолжената верзија на рекламата, Свини нагласува дека не охрабрува никого да купува фармерки од „Американ Игл“, ниту пак тврди дека се најудобни или најубави. Сепак, ако гледачите сакаат да ги купат, таа нема да ги спречи. Видеото брзо стана вирално, а потоа следеше лавина од критики:

„Либералите го поврзуваат тоа со белата супренација.“

„Мислев дека ќе биде малку лошо, но ова ќе биде запишано во книгите по историја!“, објави еден корисник на TикToк.

„Ова е чиста нацистичка пропаганда“

„Ќе бидам пријателот кој е премногу „буден“, но рекламата на Сидни Свини за „Американскиот орел“ е чудна. Како, фашистички чудна. Како, нацистичка пропаганда чудна“, додаде друг твитерџија, продолжувајќи:

„Како бела жена со руса коса и сини очи, таа зборува за своите добри гени. Тоа е нацистичка пропаганда.“

На Твитер, еден корисник напиша дека „да се биде синоока, русокоса, бела жена и фокусирањето на кампањата на тоа таа да има совршена генетика изгледа чудно, особено со оглед на моменталната состојба во Америка“, каде што една од доминантните политички приказни е притисокот на администрацијата на Трамп да ги елиминира иницијативите за различност, еднаквост и инклузија.

Секако, имаше и такви кои го пофалија изборот на лицето на брендот:

„Мило ми е што гледам како „Американ Игл“ искористи девојка за да ја промовира својата нова линија фармерки, во овој случај Сидни Свини. Таа е само девојка во тесни фармерки што ги покажува своите природни облини…“.

Зошто рекламата на Сидни Свини се споредува со нацизмот?

Во рекламата, дваесет и седумгодишната ѕвезда од „Еуфорија“, која често е мета на коментари поради нејзините големи гради, носи фармерки, ги покажува своите облини и им кажува на гледачите:

„Не сум тука да ви кажам да купувате фармерки од „Американ Игл“… И дефинитивно нема да кажам дека се најудобните фармерки што некогаш сум ги носела, или дека го прават вашиот задник да изгледа неверојатно.“

Но, на Инстаграм профилот на „Американ Игл“ се појави и видео, на кое се гледа како Свини се приближува до билборд со фразата „одлични гени“ и го брише зборот „гени“ и го заменува со „фармерки“.

На друго место, Свини вели: „Гените се пренесуваат од родителите на потомството, честопати одредувајќи особини како боја на коса, личност, па дури и боја на очи… Моите фармерки се сини.“

Потоа следува глас кој вели: „Сидни Свини има одлични фармерки“.

За некои тоа беше „паметен рекламен трик“, за други беше „доказ за нацизам“.

Многу критичари ја обвинија Свини за ширење „нацистичка“ пропаганда, истакнувајќи дека играта на зборови со „одлични гени“ има расистички конотации и се насочува кон идеалите за бела надмоќ.

Епилог – се разви жестока и вирална дебата меѓу оние кои мислат дека контроверзната реклама не е само потсетник на долгата историја на славење на белата привилегија во светот на модата, туку и ненамерен одраз на фашистичките идеи и други кои се убедени дека „Американ Игл“ намерно „допрел до гнездо на стршлен“ кога станува збор за прашања поврзани со расата и национализмот.

За да бидат работите уште покомплицирани, кампањата, исто така, има за цел да ја подигне свеста за семејното насилство со линија дизајнирана од Свини наречена „Сидни фармерки“ – при што сите приходи одат во „Кризис текстлајн“, која нуди поддршка за ментално здравје.

Петиција за запирање на рекламата

Прашањето е колку штета им нанесе рекламната кампања на актерката и на брендот? Како што неодамна покажа „Колдплејгејт“, не сите контроверзии се штетни за брендот… Сепак, со нив се постапува правилно. Во овој случај, молчењето на компанијата ги иритираше луѓето и поттикна повици за прекин на кампањата.