[ФОТО] Кети Пери „уловена“ на вечера со моќниот политичар: Неодамнешниот премиер на Канада Џастин Трудо уживал во друштвото на популарната пејачка

Како што пренесуваат странските медиуми, Пери (40) и Трудо (53) биле видени во познатиот монтреалски ресторан „Ле Виолон“, каде што вечерале во пријатна атмосфера и разговарале со готвачот Дени Смајлс. По вечерата, двајцата се упатиле кон кујната за лично да им се заблагодарат на вработените.

Сведоци велат дека уживале во неколку специјалитети од менито, вклучувајќи и јадење со јастог, како и коктели. Иако ниту Пери, ниту Трудо досега не дале изјава за оваа средба, вниманието на јавноста е насочено кон можната романтична димензија на нивниот однос.

Ова нивно заедничко појавување доаѓа само еден месец по прекинот на свршувачката меѓу Кети Пери и актерот Орландо Блум, со кого беше во врска со прекини речиси девет години. Тие ја објавија својата разделба во јуни, а во заедничката изјава преку своите претставници наведоа дека последните неколку месеци се посветиле на преобликување на нивната врска со фокус на заедничко родителство. Нивната ќерка Дејзи Дав, која има четири и пол години, останува нивен главен приоритет.

Неколку дена по објавата за прекинот, Пери и Блум беа фотографирани заедно на јахта крај Амалфиското крајбрежје во Италија, во друштво на Џеф Безос и неговата сопруга Лорен Санчез.

Од друга страна, Џастин Трудо и неговата сопруга Софи Грегуар во август минатата година објавија дека по 18 години брак се разделуваат. Во заедничка објава на социјалните мрежи, Трудо истакна дека одлуката е донесена по многу длабоки и тешки разговори, но дека како родители на своите три деца остануваат блиско поврзани.