Когнитивното оштетување или губењето на менталната острина е чест симптом на стареење и им се случува на повеќето луѓе. Губењето на меморијата или повремената конфузија често го придружуваат процесот на стареење. Сепак, една нова студија сугерира дека јајцата може да придонесат за зачувување на функциите на мозокот, особено кај постарите жени. Оваа храна ја подобрува семантичката меморија и извршните функции на мозокот, како што се самоконтролата, флексибилноста и употребата на различни вештини. Сепак, студијата не тврди дека јајцата директно го подобруваат здравјето на мозокот.

Што покажува студијата?

Студијата објавена во списанието Nutrients наведува дека јајцата помагаат да се контролира когнитивниот пад. Студијата покажа дека поголемото внесување јајца води до подобри перформанси на мозокот како што стареат луѓето. Во истражувањето учествувале 890 луѓе на возраст над 55 години – 357 мажи и 533 жени. Нивните навики во исхраната биле испитувани во периодот 1988-1991 година. Mенталното здравје беше тестирано двапати со интервал од четири до пет години. Докажано е дека мажите јадат повеќе јајца од жените. Додека мажите јаделе јајца два до четири пати неделно, жените ги бирале многу поретко - еднo до три јајца месечно.

Резултатите покажале дека жените кои јаделе јајца имале помал когнитивен пад, особено во семантичката меморија. Падот на овие способности е намален за 0,1 отсто, а студијата истакна дека оваа храна нема негативни ефекти врз здравјето на мозокот.

Други придобивки од јајцата

Јајцата се богати со протеини, а освен тоа содржат и многу витамини и минерали, кои се корисни за здравјето и концентрацијата на мозокот. Тие исто така можат да го намалат ризикот од срцеви заболувања и да придонесат за здравјето на срцето. Лутеинот и зеаксантинот, присутни во јајцата, имаат корисен ефект врз здравјето на очите.

Колку јајца на ден?

Безбедно е да се јаде едно до две јајца дневно, но важно е тие да бидат дел од урамнотежена исхрана. Бидејќи се богати со холестерол (едно јајце содржи околу 200 мг холестерол), можете да изберете белки, кои содржат протеини, но без масти.

Може ли да ги јадам секој ден?

Да, јајцата може да се јадат секојдневно, под услов да се умерени и да немате проблеми со холестеролот или кардиоваскуларни болести поврзани со вишокот маснотии во крвта.

Ризици ако претерате

Еден од можните несакани ефекти од претерувањето со оваа храна е појавата на дигестивни проблеми, како синдром на нервозно дебело црево или запек. Исто така, неумереноста може да предизвика алергиска реакција на храна.