Љубовната приказна на холивудскиот актер Руперт Френд и Ејми Малинс е доказ дека љубовта не познава граници.
На прв поглед, секој би рекол дека е лесно човек да се заљуби во убава русокоса, но нејзиниот деформитет е она што ја прави посебна. Руперт уште еднаш потсети дека заљубеното срце воопшто не го гледа она што многумина веднаш го доживуваат како сериозен недостаток.
Имено, сопругата на славниот актер, Ејми Малинс, е родена без тибијална коска на потколеницата, поради што и биле ампутирани двете нозе само една година по раѓањето. Докторот им кажал на нејзините родители дека нивната ќерка никогаш нема да оди или да живее самостојно.
Сепак, тоа не беше случај, бидејќи таа не само што одеше, туку стана и успешна спортистка. „Поради тебе испаднав лажго“, на шега и рекол истиот доктор кога го сретнала пред неколку години.
Ејми почнала да трча во младоста, благодарение на што добила целосна стипендија на Универзитетот „Џорџтаун“, а во 1996 година се натпреварувала на Параолимписките игри во Атланта.
Својата професионална спортска кариера ја заврши во 1998 година и започна нова кариера како модел. Нејзината личност и убавина го воодушевија дизајнерот Александар Меквин. Модниот гениј сакаше да испраќа неконвенционални модели на пистата и ја шокираше публиката кога Ејми се појави на неговата ревија за модната куќа „Живанши“ облечена во дрвени резбани протези направени специјално за таа пригода.
На филмскиот свет не му требаше многу време да ја забележи. Таа го сними својот прв филм „Cremaster 3“ во 2002 година и играше шест различни ликови во него. На крајот, актерската работа ја спои со Рупет. Во мај 2013 година, тие договорија средба поврзана со идниот филмски проект на Руперт и се сретнаа во 18 часот во мало бистро во Њујорк. Толку многу уживале во разговорот што останале до раните утрински часови, а келнерите морале да бидат „избркани“ од локалот поради затворање.
Набрзо сфатија дека се создадени еден за друг, а љубовта ја крунисаа на интимна венчавка на 1 мај 2016 година. Освен младенците, на церемонијата беа присутни само кумовите, а еден од нив беше најдобриот пријател на Руперт. Иако на парот често се предвидуваше развод, велејќи дека тој може да избира убавици, тие сепак уживаат во љубовта како првиот ден.
"Се венчавме на прекрасна фарма. Врнеше. Беше совршена свадба. После тоа отидовме на билијард", изјави истовремено Руперт во едно интервју.
