"Како дерматолог знаев дека секоја промена може да укаже на развој на рак. Отидов на биопсија и се покажа дека е меланом. Тогаш имав 37 години", изјавила таа за „HuffPost“.

Ракот на кожата е еден од најчестите форми на рак

Затоа е важно да се грижите за заштита на кожата од сонце и да ги проверувате бенките, дома и на лекар. Сепак, дерматолозите предупредуваат и на седум нешта кои можат да ви го спасат животот.

Ракот на кожата може да се појави под ноктите

Ноктите се област каде што ракот често останува неоткриен. Сквамозен карцином изгледа како брадавица под ноктот, додека меланомот се појавува како нова, неправилна или променлива пигментирана лента по должината на ноктите и кутикулата.

Само една сесија за сончање може да го зголеми ризикот од меланом

Жените помлади од 30 години имаат шест пати поголеми шанси да развијат меланом со ран почеток ако посетуваат солариум, па дури и еднократно изложување на солариум во затворени простории може експоненцијално да го зголеми ризикот од меланом. Зошто? Сончањето во затворен простор обично вклучува концентрирано УВА зрачење, што особено го зголемува ризикот од меланом.

Ракот на кожата меѓу прстите е особено опасен

Кога е рано откриен, ракот на кожата има многу добра стапка на лекување, но кога ќе се дозволи да напредува и да се шири, може да биде фатален. Бидејќи луѓето можеби нема да забележат промена на бенка помеѓу прстите или на дното на стапалото, меланомот е особено опасен во овие области бидејќи може да остане неоткриен долго време и може непречено да се шири.

Рани или исеченици кои не зараснуваат може да бидат знак за рак на кожата

Најчестите форми на рак на кожата се карцином на базалните клетки, сквамозен карцином и меланом. Додека првите два типа се поврзани со изложувањето на сонце, меланомот може да се појави во некои околности дури и ако не поминуваме време на сонце. Имено, пациентите најчесто мислат дека имаат мозолче, воспален фоликул на влакно или каснување од инсект. Доколку таквите рани не зараснат, продолжуваат да растат и крварат, време е да посетите лекар.

Не сите меланоми го следат правилото ABCDE

Самопрегледот е постапка со која со периодично испитување на кожата, по можност еднаш месечно, лицето стекнува способност подобро да ги забележува промените кои би можеле да укажат на малигна трансформација на бенки и други промени на кожата. Притоа, треба да се почитува правилото ABCDE, кое се однесува на промените забележани при испитувањето на кожните израстоци и сомнителната малигна трансформација.

А - асиметрија - бенките од меланом се асиметрични, со нееднакви половини.

B - граници (англиски border) - бенките од меланом имаат неправилни, назабени, брановидни рабови.

C - боја (англиска Color) - кај бенките од меланом има повеќе бои и нијанси (од светло кафена, црна, црвена, розова) во промената.

D - големина (англиски diameter) - бенка од меланом обично е поголема од 6 мм, но може да биде помала.

Е - еволуција - бенка од меланом со текот на времето ја менува големината, бојата, дебелината, обликот со појава на дополнителни симптоми (крварење, чешање, истекување на течност).

Сепак, правилото ABCDE не важи за сите меланоми, па затоа е важно да се консултирате со лекар за секое место што се менува или не заздравува по неколку недели.

Ракот на кожата може да се појави во сите тонови на кожата

Додека луѓето со посветли типови на кожа имаат поголема веројатност да добијат рак на кожата, луѓето од сите тонови на кожа се изложени на ризик од рак на кожата, дури и оние со потемна кожа.