Додека таа играла една од игрите, на нејзиниот екран се појавила осумцифрена сума. Според неа, целото тело и се здрвило и била сигурна дека освоила голема сума на пари. Но, нејзината среќа не траела долго.

Наместо милиони, добила 2 долари

Катрина се вратила во казиното следниот ден и ја дочекал шок. Вработените ја известиле дека имало дефект во нејзината машина и дека сето тоа е голема грешка и дека таа не ја добила сумата на пари што била напишана на екранот. Наместо тоа, нејзината добивка е 2,25 долари.

„Машината имала дефект“

Правилата на казиното наведуваат дека дефектите ги откажуваат сите плаќања и игри и дека се обврзани да платат само мал надоместок поради дефектот. Портпаролот на казиното, Ден Банк, изјавил за Си-Ен-Ен: „Откако бев известен за ситуацијата, персоналот на казиното можеше да утврди дека бројот прикажан на машината е резултат на очигледен дефект. Овој факт подоцна беше потврден од Новата државна комисија за игри на среќа.“ Како извинување за непријатната ситуација и понудиле да и платат вечера.

По овие настани, Катрина поднела тужба против нив, инсистирајќи да и ги вратат милионите долари за кои мислела дека ги освоила. Нејзиниот адвокат побарал да и биде исплатен барем максималниот износ од џекпотот што може да се добие, а тоа е 6500 долари. За нејзина несреќа, судијата пресуди во корист на казиното и Катрина не доби ништо.