"USS Stewart" беше намерно уништен за време на воена вежба во 1946 година, но дури во август оваа година, по 78 години, беа пронајдени остатоците од бродот од Втората светска војна благодарение на автономните подводни дронови (AUV) што ги користеше компанија за морска роботика "Ocean Infinity". Дроновите го пронашле бродот на подрачје од 37 квадратни наутички милји на морското дно.

„Го покривме просторот многу брзо и со висока резолуција“, изјави за "New York Times" Енди Шерел, директор за поморски операции на "Ocean Infinity".

Од морнарички уништувач до брод под јапонско знаме

Бродот "USS Stewart" беше лансиран во септември 1919 година, непосредно пред крајот на Првата светска војна, а стапи во служба на морнарицата во 1920 година. На почетокот на Втората светска војна, тој беше стациониран во Манила, Филипини, како дел од застарената и слабо опремена азиска флота на американската морнарица. По нападот на Перл Харбор во 1941 година, бродот беше оштетен во битка со јапонските сили во близина на Бали во февруари 1942 година.

Една несреќа го остави заглавен на суво пристаниште во Јава, каде што екипажот решил да го уништи додека јапонските сили се подготвувале да го нападнат островот. Сепак, Империјалната јапонска морнарица успеала да го крене и да го преименува во патролен брод бр. 102.

Мистериозниот брод, кој беше предмет на многу приказни и гласини, го доби прекарот „Брод на духови на Пацификот“ поради далечните видувања и приказни за американскиот брод кој наводно се движел длабоко зад непријателските линии од војната. Неговата судбина не била позната се до крајот на војната, кога американските сили го нашле "USS Stewart" во лоша состојба, но сè уште пловел, во јапонското пристаниште Куре.

Повторно откривање и уникатна приказна

По војната, "USS Stewart" бил вратен во Сан Франциско, каде што доживеал насилен „погреб на море“. Бил потопен по континуиран оган од воздух и поморски ракети, за да остане изгубен речиси 80 години.

Оваа година, преку заеднички напори на "Ocean Infinity", археолошката фирма "Search", непрофитната фондација "Air/Sea Heritage", како и Програмата за поморско наследство на "NOAA" и Американската морнарица, "USS Stewart" беше повторно откриен.

„"USS Stewart" претставува единствена можност за проучување на добро сочуван примерок на дизајн на уништувач од почетокот на 20 век“, рече поморскиот археолог Џејмс Делгадо, постар потпретседател на „Search“, што го прави моќен симбол на сложеноста на Пацифичката војна.

Остатоците се предадени на командата за поморска историја

Потонатиот брод е пронајден во неверојатна состојба, со зачуваниот труп кој стои исправено на морското дно. Сликите со висока резолуција од дното на океанот ќе и помогнат на Националната управа за океани и атмосфера (NOAA) да следи како е засегнат морскиот живот во областа и дали се случиле еколошки промени.

Податоците од потонатиот брод "USS Stewart" ќе бидат предадени на командата за поморска историја и наследство за понатамошно управување и зачувување на оваа важна локација.