Историја на четири тркала

Најимпресивниот рекорд е постигнатото растојание од 5.479 километри за само 24 часа, што е за повеќе од 1.500 километри или 38 проценти повеќе од претходниот светски рекорд. Но, тоа беше само почетокот.

Во рамки на предизвикот наречен „Пат околу светот за осум дена“, автомобилот успеа да помине 40.075 километри – колку што изнесува обемот на Земјата на екваторот – за само 7 дена, 13 часа, 24 минути и 7 секунди, значително побрзо од планираната цел.

Технологија од иднината

Возилото е опремено со три аксијални мотори и високоефикасна батерија со течно ладење, која ќе се користи во сериското производство веќе следната година. За време на тестирањето, "Concept AMG GT XX" одржуваше константна брзина од 300 km/h, запирајќи само за полнење батерија со просечна моќност од околу 850 kW – далеку над можностите на денешната инфраструктура за брзо полнење.

Тест во екстремни услови

Условите на тестирањето беа исклучително тешки, со температури до 35°C. Дневниот просек изнесуваше над 5.300 километри, а за подвигот беа потребни два идентични концепти кои трката ја завршија со разлика од само 25 километри.

Впечатоци од "Formula 1"

„'Mercedes-AMG' и "Formula 1" претставуваат иновација, интензивна конкуренција и поместување на границите на технолошки можностите“, изјави Маркус Шефер, член на Управниот одбор на "Mercedes-Benz Group AG".

Во рекордната возење учествуваше и Џорџ Расел, возач на "Mercedes-AMG PETRONAS F1 Team", кој изјави:

„Навикнат сум технологијата да ја туркам до крајни граници, но овој автомобил навистина ме воодушеви. Аксијалните мотори реагираат моментално и прецизно како погон на "Formula 1", но со издржливост каква што досега сум ја искусил само кај моторите со внатрешно согорување.“

Насока кон иднината

Со овој подвиг, "Mercedes-Benz" уште еднаш потврди дека е пионер во развојот на иновации во автомобилската индустрија. Идните "EQ" модели ќе ја искористат оваа технологија, што ветува уште подобри и понапредни возила за пазарот.