Францускиот дизајнер Жулиен Петисењеур замисли како овој неконвенционален модел од 1990-тите би изгледал денес, во модерниот "Modern Solid" стил. „Оригиналниот автомобил беше чиста забава. Не се сфаќаше сериозно и се издвојуваше дури и според стандардите на 'Škoda'“, објаснува Петисеньеур.

Модерен дизајн со ретро елементи

Новата визија ја задржува препознатливата жолта боја на каросеријата, но носи современи пропорции – поширок став, поголеми тркала со аеродинамични капаци и контрастни црни браници. Предниот дел е јасно инспириран од актуелните електрични возила на "Škoda", особено од концептот "Vision 7 S", со "Tech-Deck Face" решетка и тенки LED светла во форма на буквата Т.

Петисењеур додаде и розови детали на задните светла, логото, затемнетите прозорци и фелните за да ја долови атмосферата на 1990-тите. Внатрешноста вклучува ретро елементи, како екран што се протега низ целата ширина на арматурната табла со графика инспирирана од стари видео игри.

Колекционерски потенцијал

Оригиналната "Felicia Fun" се произведуваше од 1997 до 2000 година во фабриката во Квасини, а беа изработени само 4.216 примероци, што ја прави еден од најретките модерни модели на "Škoda".