Некогаш обожавани поради нивниот шарм и препознатливата детска насмевка, сестрите Мери-Кејт и Ешли Олсен беа икони на една генерација, но денес малкумина би ги препознале на улица.

Глумат уште од бебиња

Сестрите ја започнале кариерата буквално како бебиња – во серијата „Полна куќа“, а двете ја толкуваа улогата на малата Мишел Танер и на тој начин ги освоија срцата на публиката ширум светот. Тој почеток беше вовед во цела индустрија што се разви околу нив: во текот на 90-тите и почетокот на 2000-тите, тие снимија голем број филмови и ТВ специјали, од кои најпознати се „Passport to Paris“, „Our Lips Are Sealed“, „Holiday in the Sun“ и „New York Minute“.

Во тоа време, тие станаа глобални ѕвезди кои истовремено ги освојуваа благајните и полиците во продавниците – бидејќи нивното име се наоѓаше и на линии играчки, облека и книги.

Популарноста на близначките беше толку силна што медиумите често ги опишуваа како „царство Олсен“. До нивната полнолетност, тие веќе беа милионерки, а во еден момент беа рангирани меѓу најбогатите млади познати личности во светот. Нивниот изглед, фризури и стил на облекување честопати ги копираа тинејџерките ширум светот, а нивната популарност не застана на екранот.

По нивната огромна слава, се повлекоа од глумата

Сепак, иако пораснале пред камерата, на возрасни години сестрите решија да се повлечат од глумата. Нивниот последен голем филмски проект беше „New York Minute“ во 2004 година, по што се свртеле кон модата. Во 2006 година, тие го основале луксузниот бренд „The Row“, а подоцна и попристапната линија „Elizabeth and James“.

Денес, тие ретко се појавуваат во јавноста, а кога ќе го направат тоа, секогаш привлекуваат внимание со својот сериозен, малку мистичен изглед и препознатлив минималистички стил.