Освен што обезбедува одлично чувство, мастурбацијата може да помогне и во заштитата од сексуално преносливи инфекции со испирање на гениталниот тракт, барем кај машките примати, сугерира едно истражување, пишува „Саенс алерт“.
„Откривме дека мастурбацијата е древна особина во редот на приматите“, објаснува Матилда Бриндл, антрополог на Универзитетскиот колеџ во Лондон, и нејзините колеги во нивната студија, во која ја собрале досега најголема база на податоци на записи од мастурбаторни примери на 105 видови примати.
Веќе е познато дека мастурбацијата е широко распространета кај цицачите и другите животни како птиците. Додека некои примати се познати по навиките на „самодопирање“ бонобоите користат меѓусебна мастурбација како дел од нивниот социјален репертоар, а макаките се фатени на дело со секс играчки, додека другите видови изгледа се помалку наклонети. Бидејќи примерите на мастурбација можат да се најдат низ еволуциското дрво на приматите, стимулирањето на сопствените ерогени зони е веројатно древна забава што им била пренесена на сите групи на примати од раниот заеднички предок. Но, штом тарсиите со големина на тениско топче тргнаа по поинаков еволутивен пат од мајмуните, мастурбацијата стана почеста кај некои видови отколку кај другите, објаснуваат Бриндл и тимот.
„Мастурбацијата исто така често се губеше во системите за парење со еден маж, но речиси никогаш во системите за парење со повеќе мажи“, објаснуваат истражувачите.
Ова сугерира дека мастурбацијата некако може да ги зголеми шансите за оплодување во конкурентни сексуални сценарија. Иако сè уште не е јасно како, една теорија вели дека може да го подобри квалитетот на ејакулацијата со прво исфрлање на „застоена“ сперма.
Но, тимот откри „силни докази за коеволуција помеѓу мастурбацијата и појавата на патоген кај мажјаците“, укажувајќи на секундарна теорија зошто мастурбацијата е вообичаена – да се исфрлат микроорганизмите кои предизвикуваат болест надвор од гениталниот тракт. Мастурбацијата е исто така почеста кај мажјаците од поголемите видови примати кои не можат орално да ги допираат своите гениталии.
„Мастурбацијата беше изгубена со многу висока стапка кога патогените беа отсутни, но речиси никогаш кога беа присутни“, забележуваат Бриндл и нејзините колеги во нивниот труд.
Ако мастурбацијата најчесто се случува пред секс, тоа би сугерирало дека ја подобрува плодноста кај мажите, додека после сексот може да укаже дека тоа е превентива за сексуално преносливи инфекции. Студијата од 2010 година спроведена на африкански земјени верверички кои се занимаваат со пост-сексуална мастурбација дојде до сличен заклучок.
Сепак, ниту еден од овие трендови не беше забележан во податоците за мастурбацијата на женските примати. Но, тоа не мора да значи дека мастурбацијата не им служи и за некој вид фитнес цел.
„Важно е да се забележи дека има многу помалку извештаи за мастурбација кај женските примати во нашата база на податоци“, истакнуваат Бриндл и тимот. „Ова е делумно затоа што женското возбудување и мастурбација можат да бидат помалку забележливи од оние на мажите, но исто така ова значи и недостиг на информации за женското сексуално однесување и морфологија во биолошките науки“.
Истражувањето под наслов „The evolution of masturbation is associated with postcopulatory selection and pathogen avoidance in primates“ е објавено во списанието „Proceedings of the Royal Society B“.
Денес
