[ФОТО] Што се случува? Јадранот повеќе не е син, ја смени бојата: Научниците го вклучија алармот

Токму тоа се случило во должината на италијанското крајбрежје на централното и северно Јадранско море, каде деновиве се одвива масовно цветање на алги – природен феномен којшто иако е невообичаен, особено е интензивен годинава.

Благодарение на сателитите на европската програма Коперникус, добивме јасни визуелни докази за промената која се случува во Јадранот. Фотографиите покажуваа голема зелена акумулација која се протега по италијанското крајбрежје, а која е резултат на зголемениот број на раст на алги.

Оваа промена на бојата на морето е забележана на почеток на мај, кога условите – топлото море и обилните количини слатка вода од реките, создале идеално тло за размножување на алгите.

Експертите предупредуваат дека овој вид на растење алги не е само естетски проблем. Прекумерниот раст може да доведе до значајно опаѓање на нивото на кислород во водата, што може да има разорувачки ефект на морскиот свет.

Рибите и другите организми можат да се најдат во опкружување кое повеќе не им дава основни услови за опстанок, а рибарите исто така ќе почувствуваат последици – намалено ловење или нарушување на екосистемот на којшто ќе му бидат потребни многу години да закрепне.

Туризмот, како еден од најважните економски сектори во регионот, исто така би можел да почувствува последици. Базените покриени со зелен слој на алги не се сцена која ги привлекува посетителите, а впечатокот на загадување може да трае подолго од самиот биолошки феномен.

Научниците моментално го следат развојот на ситуацијата, но предупредуваат дека иако овој вид цветање алги е последица на природните процеси, сѐ поголемата застапеност на таквите појави може да биде јасен сигнал за подлабоките проблеми поврзани со климатските промени и човековото влијание на животната средина.