Екипата на Денвер Нагетс е во одличен ритам, па рано утрово дојде до шестата сезонска победа во низа на гостински терен и тоа на Флорида против Орландо Меџик.
Клубот од Колорадо славеше со 113:100 во средбата во која старната петорка беше двоцифрена, но ако некој мора да се издвои тогаш тој е Никола Јокиќ. Јокиќ уште еднаш потврди дека е трипл-дабл машина, дојде до 148. ваков учинок во кариерата, вкупно 18 во тековнава сезона.
Србинот имаше 20 поени со 14 скока и 10 асистенции и тоа по само три четвртини. Неверојатен е податокот кој вели дека во оваа сезона има 12 трипл-дабл учиноци пред последниот период, повеќе од било која екипа.
Nikola Jokić puts up his 18th triple-double of the season! The next-closest player has 8 😳
— NBA (@NBA) January 20, 2025
🃏 20 PTS
🃏 14 REB
🃏 10 AST
🃏 3 STL
🃏 3 BLK
Nuggets get their 6th win in 7 games! pic.twitter.com/Gdgc2g3E05
Во дербито на Лос Анџелес, Клиперс беа подобри од Лејкерс со 116:102. „Езерџиите“ имаа само едно водство на мечот и тоа она на стартот за 2-0 по што четата на Лу беше таа што диктираше, беше подобра, па првата четвртина ја доби со 32:26, на полувреме водеше со 64:49 за да во преостанатиот дел го одбрани стекнатото водство.
Пауел со 22 поени беше прв стрелец, меѓутоа 21 и дабл-дабл ефектини имаа Харден и Зубац. Кај поразените Џејмс реализираше 25 поени со 11 асистенции.
РЕЗУЛТАТИ:
Мајами-Сан Антонио 128:107
Орландо – Денвер 100:113
Милвоки – Филаделфија 123:109
Оклахома – Бруклин 127:101
Клиперси – Лејкерси 116:102
Портланд – Чикаго 113:102
Сакраменто – Вашингтон 123:100
