Некогашниот член на Манчестер Јунајтед, Јап Стам верува дека во сегашната Премиер лига има играч кој е над нивото на Џон Тери и Немања Видиќ.
Тери и Видиќ заедно со Рио Фердинанд се сметаат за најдобрите дефанзивци, стопери во историјата на Премиер лигата, но Стам кој добро ја познава таа позиција смета дека сегашниот член на Ливерпул, Вирџил Ван Дајк е подобар од Англичанецот и Србинот.
- Вирџил ван Дајк е еден од најголемите дефанзивци во историјата на Премиер лигата и луѓето често ги споменуваат Немања Видиќ и Џон Тери – Ван Дајк е подобар играч од тие двајца.
- Го оценувам над нив поради неговата севкупна способност како играч, подобар е. Има и други имиња за кои би можел да зборувам, но Вирџил е таму со најдобрите во историјата на Премиер лигата. Она што сега го гледаме е дека тој сè уште настапува на највисоко ниво иако е под нов менаџер и мислам дека Арне Слот очекува уште повеќе од него од тоа што го видовме под водство на Јирген Клоп, - порача Јап.
Вирџил од 2018 години го носи дресот на Ливерпул, клуб со кого има договор до 30 јуни.
