Кристина, која се вратила во Барселона од Манчестер во 2019 година за да се фокусира на своите деловни интереси, наводно одлучила да го прекине бракот откако дознала дека Пеп не планира да ја напушти Британија и дека ќе остане на сегашната работа. Имено, на крајот на ноември минатата година, Пеп потпиша нов двегодишен договор со Манчестер Сити. Тогаш соопштил дека не може да го напушти клубот.

„Тој е премногу фокусиран на неговиот професионален живот“

Кристина редовно го посетувала сопругот во Британија, но минатата година наводно престанала да доаѓа толку често.

„Минатиот септември професионалниот круг на Пеп во Манчестер беше изненаден што не ја гледаат Кристина во градот по летните одмори и почнаа да се прашуваат зошто таа не е со него. До тогаш беше нормално да ја гледаме во Манчестер од време на време и покрај фактот што во 2019 година престана да живее таму“, изјавила Лорена Васкез, една од водителките на подкастот „Mamarazzis“, која првично ја објави веста за разводот.

„Една од работите за кои Кристина го обвини Пеп е тоа што тој беше премногу фокусиран на неговиот професионален живот. Можеби таа почувствувал потреба да го пресели својот живот на друго место“, додала Лорена.

Нејзината колешка Лаура Фа тврди дека Кристина се одлучила за крајот. „Сите луѓе со кои разговаравме зборуваат за тоа дека Пеп е опседнат со фудбалот и дека тој е пред сè, а сега тоа го чини“, изјавила. „Ние не само што разговаравме со пријателите, туку и со професионалниот круг на Пеп и она што тие сакаат да го разјаснат е дека станува збор за пријателска поделба, дека е внимателно разгледана без аргументи и дека нема трети страни“, додала таа.

Се разделиле во декември минатата година

За потсетување, тренерот на Манчестер Сити и неговата сопруга се разделиле минатиот декември. Тогаш за разводот бил информиран само најтесниот круг на луѓе, а било избегнато било какво обраќање до медиумите.

Парот бил заедно повеќе од 30 години. Тие се запознале во 1994 година, а се венчале во 2014 година во Матадепера во близина на Барселона. Заедно имаат три деца, Марија, Мариус и Валентина. „Ел Периодико“ пишува дека врската меѓу Пеп и Кристина, без разлика на разводот, е „потполно срдечна, стабилна и пријателска“.

Парот живееше одвоено во последните пет години. Таа живееше во Барселона, а тој остана во Манчестер поради работа. Семејството на Кристина има успешна модна компанија, а странските медиуми пишуваат дека таа се вратила во Барселона токму поради работата. Кристина е и писателка, а по потекло е од Бразил.