Едноставно сакам да се забавувам и да се шегувам“, изјави инфлуенсерката откако ја призна вистината
Инфлуенсерите се одлучуваат да преземат многу драстични чекори за популарност. Така, инфлуенсерката Викторија Роуз, позната по корисничкото име “Whoa Vicky”, објави низа твитови откако на интернет кружеше веста дека е киднапирана во Нигерија. "Ја киднапирав Вики. Таа е со мене во Нигерија. Барам 1 милион долари за нејзино ослободување", гласи еден од нив. Сепак, инфлуенсерката ја кажа вистината и откри дека лажела за целата ситуација, пишува “Daily Mail”.
"Малку се занесовме. Сакам само да се забавувам и да се шегувам. Не пијам ниту одам во клубови, па вака се забавувам", рекла Викторија за време на преносот во живо на Инстаграм. Контроверзната инфлуенсерка додаде: „Библијата вели дека смеењето е добро за душата“, рече таа во одбрана на бизарниот чин, додавајќи дека нема многу луѓе со кои може да излегува поради нејзините христијански вредности.
"Значи, вака се забавувам. Но знаете, сите се бориме на различни подрачје, па не велам дека тоа беше вистинската работа. Ја преземам одговорноста. Жал ми е за сите што ги повредив, но сето тоа е љубов“, признала таа. Таа објави фотографија со маж и ја означи Нигерија како локација, а твитовите за наводното киднапирање се избришани. Многу корисници ги преплавија коментарите обвинувајќи ја и критикувајќи ја дека го лажира сопственото киднапирање. „Да лажеш дека те киднапираат е навистина одвратно!“, напишал еден корисник. Но, Викторија не е единствената која го лажирала сопственото киднапирање.
Ова го направила и во 2023 година 26-годишната медицинска сестра Карли Расел, за која полицијата соопшти дека била киднапирана откако ноќе застанала покрај патот за да провери дали има мало дете на улица. Таа се јавила во полиција непосредно пред да исчезне, а по нејзиниот повик била започната потрага по целата земја во обид да се најде. На полицајците им биле потребни само пет минути за да пристигнат на местото на настанот, време за кое Карли навидум веќе ја немало, моторот на нејзиниот автомобил сè уште работел, а дете немало никаде.
Карли тврдеше дека била киднапирана од маж со портокалова коса „кој излегол од дрвјата“ и насилно ја внел во автомобил од кој тврдела дека успеала да побегне. Таа рекла дека повторно била фатена и одведена во куќа, каде што била принудена да се соблече и да се фотографира. На детективите им кажала дека потоа ја ставиле во автомобилот, но дека успеала да побегне во шумата за да се врати дома. Таа „исчезнала“ на 13 јули, а по 49 часа се вратила во семејната куќа.
