Познатата пејачка Селин Дион боледува од невролошко нарушување - синдром на вкочанета личност.
Дијагнозата ѝ била воспоставена во 2022 година и поради тоа ја одложила турнејата и сите деловни обврски.
Пејачката го сними и документарниот филм „I Am: Celine Dion“, кој следи една година од нејзиниот живот и борбата со невролошко нарушување.
На едно видео објавено на платформата „Amazon Prime“ се гледа како телото на пејачката се грчи за време на разговорот со лекарите.
Нозете ѝ биле вкочанети цело време, додека лекарите ја ставале во лежечка положба, а 10 минути откако ѝ била пружена помош, таа станала и се покрила со ќебе и рекла дека ѝ е „непријатно што ова се случило пред камерите “, пренесува „Daily Mail“.
„Секогаш кога ќе се случи нешто вакво, се чувствувам толку засрамено и така, не знам како да го објаснам... како да немам контрола над себе“, вели Селин.
Таа изјави и дека не се откажува од кариерата.
„Сè уште можам да се видам себеси како танцувам и пеам. Секогаш наоѓам план Б и план Ц, знаете. Ако не можам да трчам - ќе одам, ако не можам да одам - ќе ползам, но нема да застанам“, истакнала пејачката.