Покрај Крф, Крит, Лефкада, Тасос е еден од најпопуларните острови меѓу Балканците во текот на летната сезона. Тоа секако се должи на неговата неверојатна убавина, но и на близината, со оглед на тоа што од Скопје до Тасос се потребни помалку од 4 часа.
Освен добриот и не толку долгиот пат, Тасос е и финансиски поволен.
Цените се нешто пониски отколку во другите грчки летувалишта, а сместувачкиот капацитет е пристоен и адаптиран за семејства со мали деца.
Тиркизното море е глетка која секако можете да ја очекувате, но и прекрасните плажи како градската во Потос.
Потос градска плажа
Според Nikana.gr, во претходните години оваа плажа не изгледала толку убаво, но поради морските струи се променила и многу разубавела. Водата е тиркизна, плажата како и самото морско дно се песочни и многумина кои се сместени во Потос сега одлучуваат да останат на оваа плажа и тука да пливаат.
Плажата е песочна, со постепена длабочина, погодна за деца, но и за сите љубители на песочните плажи. Нема долго плитко, но ниту нагла длабочина.
Водата генерално е чиста, а се валка единствено во август кога гужвата може да биде многу голема.
Десниот дел од плажата, гледајќи од копното, преполн е со лежалки и чадори и тоа е делот кој најчесто е полн. Лево, кон Сан Антонио, има помалку метеж и помалку лежалки и тука веќе можете да уживате во мирот. Лежалките обично се добиваат бесплатно со пијалак, кафе или сладолед.
На плажата исто така има и тушеви и кабини, а тоалетите можете да ги користите во склоп на баровите, додека на градската плажа во Потос продолжува Сан Антонио до каде можете да стигнете пешачејќи долж плажата која е со уште поситен песок и подолго плитко.
