„Протече“ видео од раперот Шон Комбс, познат како Пи Диди, од затворот Форт Дикс во Њу Џерси, на кое се гледа како го минува работниот ден во затворската библиотека, помагајќи им на затворениците.
Имено, снимката што ја објави „TMZ“ го покажува раперот во затворска униформа додека разговара со други затвореници и ги извршува своите секојдневни задачи, а атмосферата, според видеото, изгледала пријатна.
Комбс беше уапсен во септември 2024 година и обвинет за рекетирање, трговија со луѓе за сексуална експлоатација и кривични дела поврзани со проституција. Неговото судење започна во мај 2025 година, а во јули беше прогласен за виновен за превоз на лица со цел проституција, додека беше ослободен од потешките обвиненија.
Во октомври му беше изречена затворска казна од четири години и два месеци, заедно со парична казна од 500.000 долари и обврска за учество во програми за ментално здравје и проблеми со зависност.
Според медиумските извештаи, неговата казна подоцна била продолжена за еден месец поради наводно прекршување на затворските правила, вклучително и консумирање домашно подготвен алкохол направен од ферментиран шеќер, „Fanta“ и јаболка. Исто така, наводно учествувал во разговор со три лица преку телефон четири дена пред неговото преместување во затворот во Њу Џерси.
