Словенецот Лука Дончиќ (26) продолжува да го оправдува својот статус на суперѕвезда откако минатата сезона пристигна во Лос Анџелес Лејкерс во една од најшокантните размени во историјата на НБА.
Имено, по големото продолжување на договорот, Дончиќ направи подвиг каков што досега не е виден во најсилната лига во светот.
По натпреварот на Лејкерси против Јута утрово, тој стана првиот играч во историјата на лигата што забележал повеќе од 400 поени и 100 асистенции во првите 12 натпревари од сезоната.
Досега, тој собрал вкупно 414 поени и 107 асистенции во дресот на Лејкерси, а вреди да се спомене дека не играл на сите натпревари сезонава.
Во првите два натпревари тој постигнал повеќе од 40 поени, по што следеше пауза од три натпревари поради повреда, а се вратил на 31 октомври против Мемфис кога повторно постигна 40 поени.
На почетокот на ноември, за прв пат паднал под 30 поени, но дури и тогаш забележа трипл-дабл во победата над Мајами, а во последните недели игра во одлична форма.
Во првиот натпревар со Јута одигран кон средината на ноември, тој постигнал 37 поени со 10 асистенции, а утрово поминал 40 минути на паркетот и постигнал 33 поени, со 11 скока и осум асистенции.
