Сирените се огласиле, а звучниците емитувале инструкции низ сите 11 руски временски зони, како дел од систем осмислен да го предупреди населението во случај на војна, хемиски или биолошки напад.

Телевизиските и радио-преносите биле прекинати, а граѓаните добиле инструкции што да прават ако сирените се огласат во реални услови. Системот, велат, може да се користи и во случај на екстремни временски услови.

Исто така, биле емитувани инструкции: „Останете мирни и не паничете. Вклучете телевизор или било кој јавен канал, или радио и почекајте информативно соопштение“.

Како што споменавме, вежбата доаѓа веднаш по тоа што американскиот претседател Доналд Трамп отворено му кажа на Путин дека САД поседуваат најголем и најсовремен нуклеарен арсенал во светот.

Говорејќи на собир во Квантико, во Вирџинија, Трамп рече: „Искрено, ако дојде до тоа, ние имаме повеќе (нуклеарно оружје) отколку било кој друг. Имаме подобро, имаме поновo. Но тоа е нешто за што никогаш не би сакале ни да размислуваме“.

Тој додал дека САД во последните недели се „малку загрозени“ од Русија. Исто така признал дека повторно распоредил нуклеарна подморница откако поранешниот руски претседател и премиер Дмитриј Медведев се заканил на Вашингтон во август.

„Врз основа на зборовите на Медведев за нуклеарното оружје… Поместив една или две подморници кон руското крајбрежје, чисто од претпазливост. Не можеме да дозволиме тој термин да се користи така лесно,“ рекол Трамп пред присутните.

Медведев и Трамп исто така се судираа на социјалните мрежи, а близок соработник на Путин потсети дека Москва и натаму располага со советски нуклеарни капацитети.

Руски провокации

Рускиот нуклеарен тест доаѓа во време кога Москва систематски ја нагласува можноста за нуклеарна ескалација.

Министерството за одбрана преку својот канал „Звезда“ објави: „Извршен е планиран тест на системот за предупредување. Радио и ТВ сигналите беа прекинати за еден минута“.

Локалните медиуми додадоа дека сирените може да се слушнат во многу градови, но дека „нема причина за загриженост – ова е планиран тест“.

Во оддалечената Јамало-Ненецка автономна област, внатре во Арктичкиот круг, се огласила порака: „Внимание! Тестирање на интегрираниот систем за предупредување е во тек!“

Но, во Волгоград и Краснодар, бучавата од сообраќајот го надгласала звукот на сирените, а некои жители на Москва воопшто не ја слушнале тревогата. Некои граѓани биле незадоволни од ефектот: „Прво се огласи сирената, а потоа објавија дека е вежба и дека треба да останеме мирни“, се пожалил еден. Друг додал: „Слушате сирени, но она што го кажуваат преку разгласот е целосно неразбирливо. Не можете да разберете ни збор.“

Во меѓувреме, тензиите помеѓу Западот и Русија нагло растат по серија руски провокации на источното крило на НАТО.

Во последните недели, руски дронови и борбени авиони повремено навлегувале во воздушниот простор на Полска, Романија и Естонија, додека сомнителна активност на дронови е пријавена и во Данска, Литванија, Шведска и Норвешка, во близина на воени бази и аеродроми.