Пораката на студентот пред притворањето

„Израелските сили штотуку ја презедоа контролата врз бродот Адара, еден од бродовите во рамки на флотилата Сумуд што носеше хуманитарна помош за Газа. Нашиот колега Огњен Марковиќ исто така беше на овој брод“, објавија студентите на социјалните мрежи.

Тие споделија и видеопорака што Марковиќ ја снимил пред пресретнувањето.

Izraelske snage su upravo preuzele kontrolu nad brodom Adara, jednom od plovila u sklopu Sumud flotile koja je nosila humantiranu pomoć u Gazu.

Na ovom brodu nalazio se i naš kolega Ognjen Marković.

Ovo je Ognjenova poruka, uskoro objavljujemo dodatne informacije. pic.twitter.com/CcgHRmP1DW

— FLU blokada (@FluBlokada) October 1, 2025

„Се викам Огњен и доаѓам од Србија. Ако го гледате ова видео, мојот брод беше пресретнат и бев нелегално приведен од израелските окупаторски сили“, започна Марковиќ. Во пораката, тој повикал на притисок врз српската влада. „Ве поканувам да извршите притисок врз Владата на Србија да побара мое итно и достоинствено ослободување и да се стави крај на соучеството во геноцидот“, додал студентот.

Неговите колеги од универзитетот најавија дека наскоро ќе објават повеќе информации за целиот случај.

Меѓу активистите е и Грета Тунберг

Флотилата, составена од повеќе од 50 бродови, испловил во август и носи пропалестински активисти од целиот свет, вклучувајќи ја познатата шведска активистка Грета Тунберг и неколку членови на Европскиот парламент. Поради пресретнувањето на флотилата, италијанските синдикати повикаа на протестен штрајк во петок.

Израелското Министерство за надворешни работи потврди дека морнарицата запрела неколку бродови и дека активистите се префрлаат во израелско пристаниште, од каде што ќе бидат депортирани. Тие исто така објавија видео во кое израелски војник ги предава работите на Грета Тунберг по нејзиното апсење. „Грета и нејзините пријатели се безбедни и здрави“, се вели во соопштението на министерството, објавено од „Тајмс оф Израел“.