Австралиската актерка (58) на 30 септември поднела барање за развод од музичарот (57) по 19 години брак.

Вирална снимка

Во потрага по знаци за проблеми во бракот, фановите налетале на видео од Урбан како ја изведува својата песна „The Fighter“. Во исечокот, кој на Инстаграм го споделила неговата гитаристка Меги Бо, пејачот изговара: „When they're tryna’ get to you, Maggie I'll be your guitar player.“ („Кога ќе се обидат да ти наштетат, Меги, јас ќе бидам твојот гитарист.“)

Оригиналните стихови од 2017 година гласат:

"When they're tryna get to you, baby, I'll be the fighter."

(„Кога ќе се обидат да ти наштетат, душо, јас ќе бидам борецот.“)

Поделени реакции

Оваа очигледна промена на стиховите предизвика лавина коментари на социјалните мрежи. „Толку е невкусно да го правиш ова со песна инспирирана од неговата сопруга. Врв на гадост,“ напишал еден корисник. Друг додал: „Покажи малку класа, Кит, за име божјо!“

Сепак, имало и такви кои го бранеле: „Толку многу осудување има овде. Ако не живеете со нив, немате поим што се случувало зад затворени врати. Како знаете каква била таа за живот? Не застанувам на ничија страна, но не е фер некого да го валкате поради неговите избори кога никој од вас нема поим каков бил нивниот живот.“

Песна посветена на почетокот на љубовта

Во претходно интервју за „The Boot“, Урбан открил дека песната „The Fighter“ е инспирирана токму од почетоците на неговата врска со Кидман. „Буквално размислував за Ник и мене и за нашата врска на почетокот, а некои работи што ги кажавме влегоа во таа песна,“ објаснил тој.

За „Billboard“ тој додал дека песната, снимена со Кери Андервуд, е напишана за желбата да се „излекува“ и „грижи за некого“. „Тоа е на многу начини како завет,“ признал тој.

Детали за разделбата

Парот, кој се венчал во 2006 година и има две ќерки, 17-годишната Сандeј Роуз и 14-годишната Фејт Маргарет, како причина за прекинот навел непомирливи разлики. Според документите до кои дошол „People“, Кидман го поднела барањето до судот во Тенеси, а поднесоците вклучуваат веќе договорен договор за развод, како и план за старателство над децата, кој сега чека одобрување од судијата.

Поделба на имотот и борбата со зависноста

Многу детали од разводот, вклучително и поделбата на бројните недвижности и нивната нето вредност од 250 милиони долари (Кидман) и 75 милиони долари (Урбан), остануваат непознати. Медиумите шпекулираат дека актерката би можела да му должи на поранешниот сопруг повеќе од 11 милиони долари поради таканаречената „клаузула за кокаин“ во предбрачниот договор.

Најверојатно Урбан би можел да добие 600.000 долари за секоја година брак доколку останал трезен. Пејачот и самиот претходно зборувал за својата борба со зависноста, откривајќи ѝ на Опра Винфри во 2010 дека токму Кидман му организирала интервенција само неколку месеци по венчавката. „Сега кога се навраќам назад, сфаќам дека Ник ме научи на толку многу работи и внесе толку многу во мојот живот. Ова е најдоброто место на кое некогаш сум бил,“ изјавил тогаш.