Во срцето на Париз, градот на љубовта и безвременскиот дизајн, се наоѓа луксузен пентхаус од 134,71 метар квадратен, вистинско ремек-дело кое ја спојува ренесансата и современата естетика.
Овој пентхаус е креација на студиото „Boca do Lobo“, а резиденцијата е вредна 4 милиони долари и проектирана така што да ги соедини функционалноста, уметничката инспирација и луксузот на секој чекор.
Отворениот концепт на просторот ги поврзува сите зони низ единствен дизајнерски јазик, додека пак класичните елементи како белите француски лајсни и големи прозорци го внесуваат духот на историјата.
Секоја просторија делува како галерија, опремена со скулптури и уметнички парчиња кои го нагласуваат раскошот.
Во влезот има доза на префинетост благодарение на комодата, златното огледало и кружната маса, додека пак дневната соба е комбинација од антички мотиви и современ луксуз со софа и импозантна маса.
Во трпезаријата исто така доминира масата со столиците, додека пак во кујната се наоѓа темен мермер со остров и златни детали, спој на функционалноста и гламурот.
Главниот тоалет е обложен со мермер и украсен со „Lumiere“ огледало и уникатно „Sumphony“ мијалник, додека пак главната спална соба е дизајнерска „скулптура“.
Пентхауот го надополнуваат огромен гардеробер со централен „lounge“ дел и канцеларија која го рефлектира личниот стил на сопственикот.
Оваа недвижнина не е само дом – таа е доживување. Совршен баланс на историскиот шарм и модерниот луксуз, уметнички дух и врвна изработка, ја прави една од најпосакуваните адреси во Париз.
