По повеќе од 26 години надвор од рингот, поранешната ѕвезда на тешка категорија, 52-годишниот Нигериец Ајк Ибеабучи (21-0, 16 КО), се врати со победа, запирајќи го сонародникот, 40-годишниот Идрис Афини (18-8, 15 КО), по три рунди, пренесува „British Boxing News“.
Блескава кариера прекината со затвор
Во текот на деведесеттите, Ибеабучи беше еден од најопасните тешкаши во светот, со импресивни победи над борци како Дејвид Туа и Крис Брд. Кога изгледаше дека борбата за титулата е неизбежна, неговата кариера нагло беше прекината.
Во 1999 година беше уапсен во Лас Вегас поради обид за киднапирање и сексуален напад, за што одлежа 16 години затвор. Тој инцидент го оддалечи од боксот повеќе од четврт век.
Nigerian Boxer, Ike Ibeabuchi makes his return to Boxing after 26 years by defeating Idris Afinni.
— Africa Facts Zone (@AfricaFactsZone) August 26, 2025
He is undefeated with a record of 21-0 with 15 knockouts from 1994 to 1999.
He was on the verge of fighting Mike Tyson when he went to prison in 1999. He spent 16 years in prison. pic.twitter.com/TvKyzEP5wo
Враќање на 52 години
И покрај тоа што има 52 години и зад себе огромна пауза, непоразениот „Претседател“, како што му беше прекарот, се врати на импресивен начин, покажувајќи дека сè уште ја поседува својата застрашувачка сила во ударите. Ибеабучи во текот на три рунди постојано го притискаше помладиот противник, не дозволувајќи му да здивне.
Во третата рунда го засили темпото и го нападна со серија тешки удари кои сериозно го вознемирија Афини. По завршувањето на третата рунда, Афини се откажа од продолжување на борбата, со што враќањето на Ибеабучи беше крунисано со победа.
52-year-old Ike “The President” Ibeabuchi Vs Idris Afinni letting their hand go at the end of the third round of their 12 heavyweight schedule bouts.
— Fight Gist media (@Fightgistmedia) August 23, 2025
Ike Improve record to 21-0-16KOs after Afinni refused to show up for the fourth round.
Live at Teslim Balogun Stadium, Lagos 🇳🇬 pic.twitter.com/zpRx8rduJg
Амбиции за борба со Усик
Веднаш по борбата, Ибеабучи јасно ги изнесе своите амбиции:
„Сакам да се борам против Олександар Усик (38), шампионот. Имам 21-0, 16 нокаути – зошто да не се бори со мене? Порано бев меѓу првите десет. Ако Усик сака да одработам уште мечеви, ќе се борам уште повеќе. Сакам борби. Но сакам со него, пред времето да ми истече. Сакам борба со Усик.“
Сепак, реално е да се очекува дека 52-годишниот боксер ќе мора да одработи уште неколку борби за повторно да го привлече вниманието, бидејќи е малку веројатно дека ќе добие шанса против најдобрите. Неговиот противник Афини не е рангиран во ниту една од водечките боксерски организации.
Покрај тоа, шампионот Олександар Усик веројатно веќе има исполнета агенда за следната година, по неговата доминантна победа над Даниел Дубоа. Како потенцијални предизвикувачи се споменуваат Агит Кабајел и Џозеф Паркер, што значи дека Ибеабучи ќе мора повторно да се докаже како легитимен предизвикувач – четвртина век откако првпат беше во таа позиција.
