Бамбусот е сакан поради неговата суптилна естетика и практична употреба како природна ограда, но малкумина се свесни за бројните проблеми што може да ги предизвика.

Иако бамбусот на многумина им изгледа како привлечен и егзотичен додаток во градината, речиси сите на крајот се каат што го засадиле. Причината е едноставна – ова растение е исклучително инвазивно.

„Не правете ја оваа грешка“

Искусен градинар предупреди за ова на ТикТок, што доведе до огромна дебата за садењето бамбус, а многумина се пожалија дека нивните градини биле целосно уништени откако го засадиле.

„Не правете ја истата грешка што ја направив јас“, рече градинарот во видеото, кое собра илјадници прегледи. „Овој жолт бамбус изгледа прекрасно, но е ужасно инвазивен“, додаде тој.

Тој покажа колку изданоци се појавиле само оваа година – тие буквално никнале насекаде. Иако успеал донекаде да го држи под контрола, тој предупреди што ќе се случи ако некој го засади во мал двор.

Кошмар во градината

Со текот на годините, тој работел на бројни имоти каде што бамбусот „дивеел“, ползејќи под огради, по тротоари, во дворовите на соседите и правејќи хаос. „Кошмар“, рече креаторот на видеото.

Иако истакна дека бамбусот може да биде навистина импресивен, особено ако имате доволно простор, тој додаде дека секогаш доаѓа со едно предупредување. Неговите стебла и изданоци се толку силни што можат да направат пукнатини во бетон, поплочени патеки, па дури и да уништат цевки и темели на куќи.

Како да го засадите – ако навистина го сакате

Ако одлучите да засадите бамбус, Кралското друштво за хигиена(RHS) советува да изберете сорти што остануваат на едно место.

Друга опција е да го засадите во голема саксија или со физичка бариера – копање ров длабок најмалку 60 сантиметри околу растението и поставување цврста бариера за да се спречи ширењето на корените.