Една од најпознатите предности на куркумата е нејзината способност да помага во намалување на крвниот притисок.

Благодарение на своите природни својства, куркумата може да придонесе во опуштање на крвните садови и подобрување на циркулацијата, што го олеснува протокот на крв и го намалува оптоварувањето на срцето. Редовното консумирање на куркумата може да му помогне на телото во одржување на стабилен крвен притисок.

Освен тоа, куркумата се покажала како корисна и во регулирањето на нивото на холестерол. Помага во намалување на т.н. лош холестерол и триглицеридите, што има позитивно влијание на здравјето на крвните садови и го намалува ризикот од срцеви тегоби.

Со воведувањето на куркумата во секојдневната исхрана може да се постигне природна рамнотежа на липидите во крвта.

За оние кои сакаат да ја користат куркумата како поддршка на здравјето, постојат повеќе начини. Сепак, најважно е да се обрне внимание на количината и можните реакции во организмот.

Кај лицата кои веќе имаат низок притисок, куркумата може дополнително да го намали, што може да предизвика чувство на слабост.

Исто така, доколку се користи заедно со лекови, особено оние кои влијаат на згрутчување на крвта или нивото на шеќер, потребно е да бидете внимателни за да не дојде до несакани последици.

Куркумата едноставно може да се воведе во секојдневната рутина, без оглед на тоа дали ќе ја користите како зачин во разни јадења, како топол напиток или додаток во исхраната.

Редовната и умерена употреба може да даде бројни придобивки за здравјето, особено кога станува збор за чување на нормалниот крвен притисок и здравото ниво на холестерол. Куркумата е природен начин да се поддржи работата на срцето и крвните садови, а нејзината употреба е едноставна, достапна и делува на целото здравје.

Користете куркума внимателно

Научниците спровеле студија во која се нашле 16 случаи на оштетен црн дроб поврзани со куркумата. Оштетувањето било средно до тешко, па пет лица биле хоспитализирани поради оштетување, додека пак еден пациент починал како последица на акутно оштетување на црниот дроб.

Експертите велат дека потребни се понатамошни истражувања, без оглед на тоа што студијата траела десет години.

Овие извештаи не треба нужно да предизвикаат било каква моментална загриженост или паника затоа што оштетувањето на црниот дроб кое е директна последица на консумирањето куркума и натаму е многу ретка појава.

Меѓутоа, доколку вие или некој кој познавате често готвите со куркума или редовно земате суплементи со куркума, можеби е најдобро да се консултирате со доктор.