Британската манекенка Кара Делевињ изненади со своето појавување на овогодинешниот Кански филмски фестивал. Кара присуствуваше на премиерата на филмот „Историја на звукот“, а многумина веруваат дека изгледаше речиси непрепознатливо.
Делевињ покажа драстична промена во фризурата на црвениот тепих. Наместо нејзината препознатлива русокоса, Кара се појави со темнокафеава фризура со шишки која беше стилизирана да изгледа мокра.
Моделот ја покажа својата витка фигура во навидум едноставен бордо фустан во комбинација со црни потпетици. Таа ги истакна своите тетоважи во фустанот, а нејзината темна шминка исто така придонесе за нејзиниот изглед.
Оваа година, Кара се придржуваше до строгиот кодекс на облекување утврден од организаторите на фестивалот. Во претходните години, поголемо внимание привлекуваа провокативните изданија на познати ѕвезди на црвениот тепих, а не филмовите за кои е организиран фестивалот. Затоа оваа година организаторите воведоа неколку важни правила.
Почнувајќи од оваа година, на црвениот тепих се забранети „голи фустани“, односно предизвикувачки облеки што откриваат повеќе отколку што кријат. „Заради пристојност, голотијата е забранета на црвениот тепих, како и во сите други делови од фестивалот. Тимот за прием на гости ќе биде должен да им забрани пристап до црвениот тепих на сите што не ги почитуваат овие правила“, рекоа тие. Освен „голите“ фустани, тие забранија и волуменозни фустани кои би можеле да влијаат и да го попречат движењето на гостите.
