Генијот традиционално се смета за личност со исклучителни интелектуални способности и високи резултати на тестовите за интелигенција, вели д-р Џуди Хо, невропсихолог и автор на книгата Стоп за самосаботажата.

Сепак, додава таа, овие тестови не секогаш даваат целосна слика, бидејќи некои генијални вештини, како што е креативното решавање проблеми, е потешко да се измерат.

Дефиницијата за „интелигенција“ и „генијалност“ можеби не е сосема јасна, но генерално, повеќето луѓе се согласуваат дека интелигентните личности имаат високо ниво на размислување. Можеби сте еден од нив ако овие карактеристики важат за вас.

1. Вие сте најстарото дете

Студија објавена во Журналот за човечки ресурси сугерира дека првородените деца може да имаат „ментална предност“ во однос на своите помлади браќа и сестри, бидејќи имаат тенденција да постигнуваат повисок коефициент на интелигенција.

Истражувачите сметаат дека ова се должи на тоа што родителите почесто обезбедуваат поголема „ментална стимулација“ за своите првородени деца, статистички почесто ги дојат и преземаат помалку ризици за време на првата бременост, како што се консумација на алкохол или пушење.

Ова значи дека високата интелигенција кај најстарите деца не е секогаш резултат на генетиката.

2. Имате анксиозност

Студија објавена во списанието Intelligence сугерира дека генијалците или луѓето со повисок коефициент на интелигенција почесто пријавуваат дијагнози на нарушувања на расположението и анксиозност во споредба со националниот просек.

Д-р Хо објаснува дека ова можеби се должи на тоа што генијалците честопати премногу размислуваат за работите и се стремат кон совршенство.

Ова ниво на висока саморефлексија, заедно со невротичната личност, е поврзано со зголемен ризик од анксиозност и други нарушувања на менталното здравје, додава таа.

Секој кој е малку поинаков може да биде подложен на социјални предизвици, вели д-р Кетрин Франсен, професор по психологија и директор за невронаука на Универзитетот Лонгвуд.

„Ова важи и за оние кои имаат нешто што изгледа како позитивна особина, како што е генијалноста“, нагласува д-р Франсен.

3. Вие сте спортист

Многу генијалци се физички активни, вели д-р Рахул Џандијал, автор на Неврофитнес и неврохирург и невробиолог во „Градот на надежта“ во Лос Анџелес.

„Постојат јасни докази дека физичката активност го изострува умот и овозможува да се создаваат уникатни врски помеѓу концептите и идеите“, објаснува д-р Џандијал.

Д-р Франсен додава дека ова подобрување на мозочната функција се случува затоа што физичкиот стрес ги снабдува невроните со повеќе крв, што им овозможува да растат, да создаваат нови врски и да ја подобрат својата функција.

4. Вие сте ноќна птица

Истражување на Лондонската школа за економија и политички науки покажува дека луѓето кои имаат тенденција да одат во кревет подоцна имаат повисок коефициент на интелигенција.

Истражувачите веруваат дека ова е последица на еволуцијата. Во минатото, ноќта претставувала опасност, па оние кои останувале будни подолго и биле повнимателни, имале подобри шанси за преживување – што значи дека морале да бидат попаметни.

5. Лесно се прилагодувате

Да се биде адаптивен значи да се има интелигенција и способност да се согледаат работите од нова перспектива, вели д-р Џандијал.

„Тоа значи да можете да воочите врски или решенија што другите не ги гледаат“, додава тој.

Новите предизвици бараат нови, иновативни решенија, а интелигентните луѓе полесно ги пронаоѓаат, истакнува д-р Хо.

6. Имате црн хумор

Ако цените црн хумор, можеби сте гениј. Вашата реакција на вакви шеги може да биде показател за вашата интелигенција, според студија објавена во списанието Cognitive Processing.

7. Како дете сте земале часови по музика

Раните часови по музика помагаат во развојот на умот.

Студија од 2018 година во списанието Frontiers in Neuroscience покажа дека децата кои посетувале часови по музика постигнуваат подобри резултати на тестови за вербална интелигенција, планирање и самоконтрола.

8. Имате тенденција да судите

Студија објавена во Журналот за експериментална психологија покажува дека интелигентните луѓе имаат поголема склоност кон забележување шаблони, што понекогаш може да доведе до стереотипно размислување.

9. Неуредни сте

Креативноста е белег на повеќето генијалци, вели д-р Ариф Далви од Институтот за невронаука во Палм Бич.

Студија на Универзитетот во Минесота покажа дека луѓето со неуредни соби даваат покреативни одговори од оние со уредни простории.

10. Носите очила

Студија на Универзитетот во Единбург покажа дека интелигентните луѓе имаат 30% поголема веројатност да имаат гени кои укажуваат на потреба од носење очила.

11. Повеќе сакате да бидете сами

Истражувачи од Универзитетот за менаџмент во Сингапур и Лондонската школа за економија спровеле анкета и тест за интелигенција кај 15.000 луѓе на возраст од 18 до 28 години.

Резултатите покажале дека високоинтелигентните луѓе се помалку задоволни од својот живот кога се опкружени со многу луѓе.