Сигурно ви се случило да патувате со авион, а кога тркалата ќе ја допрат пистата, патниците околу вас да почнат да аплаудираат. Можеби и сами сте се придружиле на овој гест, понесени од атмосферата, но дали некогаш сте се запрашале зошто луѓето го прават тоа?

Некои сметаат дека аплаузот е израз на благодарност кон пилотот за безбедното слетување, други го поврзуваат со возбудата од пристигнувањето на дестинацијата, додека трети го прават тоа од навика или за забава. Има и такви кои едноставно не сакаат да се издвојат од масата.

Без разлика на причината, аплаудирањето по слетувањето стана глобален феномен. Но, што мисли кабинскиот персонал за тоа?

Што вели стјуардесата?

Стјуардесата Барбара Бачилиери го сподели своето мислење во вирално "TikTok" видео.

„Повеќето патници аплаудираат по слетувањето, но јас лично не го препорачувам тоа“, вели Барбара.

Таа објаснува дека пилотите веројатно ни не го слушаат аплаузот поради звучната изолација во кокпитот. Исто така, предупредува дека славењето може да биде прерано.

„Почекајте авионот целосно да застане. Проблем може да настане ако патниците почнат да аплаудираат веднаш по допирот со пистата. Подобро е да се почека додека авионот целосно не запре“, советува таа.

На крај, Барбара нагласува дека одлуката за аплаудирање е целосно личен избор.

Може ли аплаузот да изгледа непристојно?

Луѓето кои често патуваат со авион истакнуваат дека аплаузот може да се сфати како потценување на пилотската вештина.

„Ако сакате да му искажете почит на пилотот, едноставно насмевнете му се при излегувањето од авионот. Обично стои на излезот и ги поздравува патниците“, советуваат искусните патници.

Што мислите вие? Дали аплаудирате по слетувањето или сметате дека овој гест е непотребен?