Снимките од семејниот живот лансирале многумина, како што во медиумската стратосфера се семејствата Кардашијан и Џенер. Некои креатори на „семејната содржина“, повеќе од самиот наратив, ги прославиле, сепак, помрачните аспекти од нивните животи.

Семејната блогерка Руби Френк, чиешто осумчлено семејство (Руби, сопругот Кевин и шест деца) го следеле до 2,3 милиони луѓе на „YouTube“, минатата година била осудена за злоупотреба на деца, пишува „NBC News“, а не помалку контроверзен бил и случајот на Мика и Џејмс Стауфер, на кој фокусот го ставил и документарниот филм од три дела „An Update on Our Family“.

Документарец инспириран од написот на Кејтлин Москатело за „New York Magazine“, светот на семејното блогирање го истражувал случајот на пар од американската сојузна држава Охајо, кој го документирал посвојувањето на момчето со аутизам, Хаксли, а подоцна одлучиле да му најдат нов дом.

Како што објаснуваат „People“ во видеото, кое подоцна било избришано, посвојувањето било разрешено затоа што посебните потреби на момчето биле „поголеми од она со што тие можеле да се носат“.

„Кога Хаксли дојде дома, имаше многу повеќе посебни потреби за кои не бевме свесни и за кои не ни кажаа. Но, секој дел од моето тело го сака Хаксли“, зборувале тогаш.

Бидејќи одлуката не наишла на одобрување од публиката на каналот „The Stauffer Life“ (700.000 следбеници), Мика објавила извинување на „Instagram“ и престанала да објавува видеа на „YouTube“. И четири години подоцна, каналот не е активен, а оваа мајка на четири деца се повлекла од социјалните мрежи.

Таа во последната објавена порака, меѓу другото, се извинила за „конфузијата и болката што ги предизвикала“. Иако тврдела дека момчето е „посреќно во својот нов дом“, признала дека доживеало траума, за што и се извинила бидејќи „ниедно посвоено дете не заслужува дополнителна траума“. Признала и дека е „наивна, глупава и арогантна“.

Една од критиките со кои се соочила е дека момчето со аутизам било посвоено од личен интерес.

„Дали мислите дека го посвоила за да добие повеќе кликови?“ е прашање што се појавува и во најавата за документарецот.

„Не го посвоивме детето за да се збогатиме“, инсистирала Мика, додавајќи дека секој денар од сумата што ја заработиле од видеата со момчето е вложен во негова грижа.

Момчето го посвоиле во октомври 2017 година, кога момчето од Кина имало две години. Тие го споделиле процесот на посвојување со своите следбеници, велејќи им дека се свесни за неговата дијагноза. Тие тврделе дека се подготвени да научат како да се грижат за дете со посебни потреби.

„Не знам како ќе изгледа неговата медицинска дијагноза“, изјавила Мика во 2017 година, нагласувајќи дека нејзиното дете „нема повратна адреса“.

Но, како што забележале следбениците на каналот, момчето престанало да се појавува во нивната содржина. Помалку од три години по посвојувањето, парот признал дека момчето повеќе не живее со нив.

Див запад

Иако биле забележани некои правни случувања кои би требало да придонесат за заштита на децата на креаторите на содржини, бизнисот со семејно блогирање сè уште трае, тврди Москатело за „New York Magazine“. „

Буквално Див Запад, децата од тие „YouTube“ канали не располагаат со заштита која е обезбедена на детските актери“.

„Прашањето дали овие деца се експлоатирани има јасен одговор за мене. Подлабоките прашања ги засегаат не само креаторите, туку и нивната публика, спонзорите и она што е клучно, платформите кои профитираат од таа нерегулирана индустрија“, смета Москатело.

„An Update on Our Family“ го истражува, пишува „Time“, „комплицираниот свет на семејно блогирање и транснационално посвојување преку интервјуа со актуелни семејни блогери, експерти на „YouTube“, експерти за посвојување и новинари“. Иако продуцентите се обиделе да контактираат со нив, Мика и Џејмс не реагирале.

Тие двајца се биолошки родители на ќерката Џејк и синовите Редли и Оникс. Првото дете на Мика е ќерката Кова. Иако не е биолошки татко на Кова, Џејмс е вклучен во нејзиниот живот уште кога мало дете.

Пред целосно да се посвети на кариерата на „YouTube“, Мика била медицинска сестра. Освен за нејзиното посвоено момче, таа објавувала видеозаписи за готвење, чистење, како и повеќе лични видеа во текот на нејзината „YouTube“ кариера, на пример она каде што го сподели своето искуство со спонтаниот абортус. Сепак, видеата за посвоеното момче биле од особен интерес кај гледачите, пренесува „Јутарњи лист“.