[ФОТО] Дали во центарот на Белград осамна графит на Бенкси со крвава рака – симболот на студентските блокади?

На 1 јануари, во галеријата „Поп ап“ (Дечанска бр. 8) беше отворена изложбата на уметнички дела на едниот од најмистериозните и највлијателните уметници на модерната ера, Бенкси. Отприлика во исто време во Белград се појави неговиот познат графит, но во „модифицирана“ верзија.

Во разговор со локалните работници во подземниот премин, нова.рс дозна дека графитот во таа верзија стои на ѕидот уште од првиот ден, што значи дека крвавата рака не била подоцна додадена.

Меѓутоа не е познато дали графитот е дело на Бенкси или некој вљубеник во неговото дело го „адаптирал“ овој графит на актуелните студентски блокади, чиј заштитен знак е крвавата рака – симбол на корупцијата на режимот.

Бенкси е еден од најпознатите уметници во светот, но и покрај глобалната слава, неговиот идентитет, барем официјално, останува непознат.

Маскираниот уметник, со неговите честопати политички „обоени“ дела и постојаната критика на општеството, денес поседува култен статус.

Интересно е и тоа што во 2018 година тој го организира уништувањето во живо на споменатото дело „Ballon girl“. Во аукциската куќа „Sotheby“ само неколку минути откако „Ballon girl“ беше продадена за милион фунти, уметникот реши да ja уништи и да го претвори чинот на уништување во ново уметничко дело наречено „Love is in the Bin“ (Љубовта е во канта). Уништената слика во 2021 година беше продадена за над 18 милиони фунти.