Дури 44 од водечките светски климатолози ги повикаа лидерите на нордиските земји итно да се справат со она што сега се чини дека е неизбежниот колапс на атлантските струи, што ќе има разорно влијание врз климата.
Во отвореното писмо објавено во понеделникот, климатологот Мајкл Ман од Универзитетот во Пенсилванија и други истакнати научници велат дека ризиците од слабеењето на циркулацијата на струјата во Атлантскиот океан во голема мера се занемарени и бараат итна акција, пренесува "Live Science".
44 experts from 15 countries issued a stark warning about the dangers of crossing an ocean circulation tipping point, in an open letter to the Nordic Council of Ministers. I had the honor to present it to the Icelandic 🇮🇸 climate minister Guðlaugur Þór Þórðarson yesterday. #AMOC… pic.twitter.com/W3fKc2e5Zr
— Prof. Stefan Rahmstorf 🌏 🦣 (@rahmstorf) October 20, 2024
На земјата и се заканува климатски хаос
Истражувањата покажуваат дека "AMOC"(Atlantic Meridional Turning Circulation) забавува и наскоро би можел да престане поради глобалното затоплување, предизвикувајќи климатски хаос на Земјата.
„Ваквата промена на океанската циркулација би имала разорни и неповратни последици особено за нордиските земји, но и за другите делови од светот“, пишуваат научниците во писмото.
Нордиските земји ги вклучуваат Данска, Исланд, Норвешка, Финска и Шведска.
Колапсот на "AMOC" ќе доведе до големо заладување и екстремни временски услови во нордиските земји. Ова би ја зголемило и продлабочило необичната „ладна точка“ што веќе се развила во источниот дел на Северен Атлантик кога струите кои носат топлина забавуват. Уривањето на океанските струи веројатно ќе ги забрза и влоши климатските проблеми низ северната хемисфера, предизвикувајќи големи земјоделски проблеми во северозападна Европа, предупредуваат научниците.
Very good summary of current knowledge on #AMOC collapse by @rahmstorf - highly regarded in the physical #oceanography community. I had minor involvement in early days of @RAPID_AMOC - an excellent team and not into scaremongering.. https://t.co/vk7VdFlmBm
— Stephen Hall (@saltwatersteve) October 23, 2024
И другите региони би ги почувствувале последиците. Ако "AMOC" запре, тропските монсунски системи ќе се поместат на југ, со катастрофални последици за земјоделството и екосистемите.
Застојот на океанските струи, исто така, може дополнително да го крене нивото на морето долж брегот на Атлантскиот Океан на САД, со невидени последици за морските системи и рибарството таму.
Доколку не се преземат итни мерки, "AMOC" може да пропадне во следните неколку децении, иако е многу тешко точно да се предвидат временските рамки на таков настан.
"Key Atlantic current could collapse soon, 'impacting the entire world for centuries to come,' leading climate scientists warn" by @saschapare for @LiveScience: https://t.co/CwLR0xR7YP
— Prof Michael E. Mann (@MichaelEMann) October 22, 2024
Ако "AMOC" пропадне, исходот ќе биде катастрофален
Во најновиот извештај на Меѓувладиниот панел за климатски промени (IPCC) се вели дека циркулацијата на превртување на атлантскиот меридијан не изгледа „дека нагло ќе колабира пред 2100 година“, но научниците предупредуваат дека тоа сепак може да се случи порано.
Проценката на "IPCC", велат климатолозите, не само што е непрецизна, туку е и загрижувачка.
„Целта на ова писмо е да се сврти вниманието на фактот дека верувањето дека "AMOC" нема да пропадне, во никој случај не смирува, туку ја остава отворена можноста за колапс на "AMOC" во текот на овој век. Имајќи предвид дека исходот од таков настан би бил катастрофален и би го погодил целиот свет, веруваме дека треба да се направи повеќе за да се минимизира овој ризик“, напишаа научниците.
