Големите имиња си заминуваат од "Apple": Дали е следен Тим Кук?

Пред неколку дена, главниот директор за човечки ресурси во "Apple" – Керол Сурфис – ја напушти компанијата по помалку од две години работа таму. Сурфис му помогна на "Apple" да го оддели својот оддел за малопродажба од неговите операции за човечки ресурси. Според извештаите, компанијата одлучила да ја елиминира нејзината позиција и да и дозволи да замине.

Сега, аналитичарот Марк Гурман известува дека и главниот регрутер на "Apple" ја напуштил компанијата. Сјорд Геринг работеше во "Apple" околу шест години и беше вклучен во управување со таленти, регрутирање, администрација и имиграција. Одлуката на Геринг да замине во "Citadel", со седиште во Мајами, би можела да биде одговор на отпуштањето на Керол Сурфис од нејзината позиција во "Apple".

Финансискиот директор на "Apple", Лука Маестри, исто така ја напушта компанијата по повеќе од 10 години. Изгледа стратегијата на Тим Кук да ги задржи инвеститорите по смртта на Стив Џобс конечно завршува. Тоа го поставува прашањето, дали тој е следен на ред да ја напушти компанијата?

Според Гурман, одговорот на тоа прашање е убедливо „не“. Иако "vvisionOS 2" е лансиран нецелосен, "iPhone 16" пристигна без "Apple Intelligence", "iOS 18" предизвика дефект на телефоните и "iPadOS 18" ги замрзнуваше уредите, ситуацијата сепак не стана доволно лоша за Кук да си замине.

Компанијата дефинитивно ја изгуби контролата врз обезбедувањето квалитет на своите производи и услуги во последно време, а нејзините потфати во други области (Apple car и Vision Pro) не беа успешни. Сепак, "Apple" и понатаму останува една од најголемите корпорации во светот со многу лојална база на клиенти. Останува да видиме колку долго ќе трае.

Се чини дека најновата идеја на "Apple" е роботиката. Гурман откри дека компанијата работи на iPad робот со планови за евентуален развој на хуманоидни роботи. Да не заборавиме дека "Apple" сè уште е заинтересиран да направи нешто слично на очилата "Orion AR" на "Meta".