"Colossal Biosciences", американска биотехнолошка компанија која работи со гени, во соопштението наведе дека нивниот реконструиран геном на тилацин е околу 99,9 отсто завршен, со 45 празнини на кои ќе работат на затворање со дополнително секвенционирање во наредните месеци.

Научниците, исто така, изолирале долги РНК молекули од зачуваната глава од 110 години, од која била одрана кожата и чувана во етанол, пренесува "CBS".

„Примероците од тилацин што се користат за нашиот нов референтен геном се меѓу најдобро зачуваните древни примероци со кои работел мојот тим“, рекла Бет Шапиро, главен научен директор на "Colossal" и директор на "UCSC Paleogenomics Lab" каде што биле обработени примероците. „Ретко е да се има примерок што ви овозможува да ја поместите рамката во древните методи на ДНК до овој степен“, додаде таа.

Напори да се врати тасманскиот тигар

Зачувувањето на целата глава на тасманскиот тигар значело дека научниците би можеле да проучуваат примероци на РНК од неколку важни ткивни области, вклучувајќи го јазикот, носната шуплина, мозокот и окото.

„Ова ќе им овозможи на истражувачите да утврдат што тилацинот можел да вкуси и мирисне, заедно со видот што го имал и како функционирал неговиот мозок“, вели Ендрју Паск, член на научниот советодавен одбор на "Colossal" и истражувач во "TIGRR" лабораторија при Универзитетот во Мелбурн.

„Секој ден сме се поблиску до тоа да можеме да го вратиме тилацинот во екосистемот – што, се разбира, е исто така огромна придобивка за зачувувањето“, рече Паск.

Паск претходно оваа година за "60 Minutes" изјавин дека истражувачите работеле со најблискиот жив роднина на тасманскиот тигар – мал торбар наречен дебелоопашест дунарт – за да го вратат животното. „Но, тој мал дут наре див месојад, иако е многу, многу мал. И за нас е многу добар сурогат за истражување“, рече тој.